لیڤاندۆڤسکی دەخرێتە لیستی فرۆشتن
یاریگا –
یانەی بارسێلۆنا ناوی رۆبێرت لیڤاندۆڤسکی پۆڵەندیش دەخاتە لیستی فرۆشتن.
رادیۆی کاتالۆنیا بڵاویکردووەتەوە، بارسێلۆنا ناوی رۆبێرت لیڤاندۆڤسکیشی خستووەتە لیستی فرۆشتن و لە هاوینی داهاتوو دەستبەرداری هێرشبەرە پۆڵەندییەکەی دەبێت.
یانە کاتالۆنییەکە بەدەست گرفتی زۆری مووچەی یاریزانانی تیپەکەی دەناڵێنێت، بۆ گواستنەوەی یاریزانی نوێ پێویستە دەستبەداری چەند یاریزانێکی گەورەی ببێت.
🚨🚨🌕| JUST IN: Robert Lewandowski is one of the players FC Barcelona can sell this summer. @CatalunyaRadio pic.twitter.com/VYUjKSZXMO
— Managing Barça (@ManagingBarca) April 26, 2024
لە هاوینی داهاتوو تەمەنی لیڤاندۆڤسکی دەبێت بە 36 ساڵ، مووچەی ساڵانەشی 16 ملیۆن یۆرۆیە، بۆیە بارسا دەیەوێت خۆی لە تەمەنە زۆر و مووچە زۆرەکەی لیڤا دەرباز بکات.
لە بەرامبەردا کاتالۆنییەکان ئامانجییانە لە مێرکاتۆی داهاتوو هێرشبەرێکی لاوتر بە مووچەیەکی کەمتر بگوازنەوە تیپەکەیان.
جیا لە گۆڵکارە پۆڵەندییەکە، هەریەکە لە رۆناڵد ئاراوخۆی ئوروگوایی و فرێنکی دی یۆنگی هۆڵەندیش دوو لە دیارترین ئەو یاریزانانەن کە پێشبینی دەکرێت لە هاوینی داهاتوو یانەکە جێبهێڵن.
لیڤا لە هاوینی 2022 بەبڕی 45 ملیۆن یۆرۆ لە بایرن میونشنەوە پەیوەندی بە بارسێلۆنا کرد، بە درێسی بارسا لە سەرجەم پاڵەوانێتییەکان بەشداری 89 یاری کردووە، 53 گۆڵی کردووە و 17 گۆڵی درووستکردووە.
