یاریگا –
یانەی ریاڵ مەدرید ئامانجی هاوینەی خۆی لە ئێستاوە دیاری کردووە و بۆ ئەو مەبەستە ئەستێرەیەکی درەوشاوەی مانچێستەری خستووەتە ژێر رادارەکانیەوە.
بە گوێرەی زانیارییەکانی سکای سپۆرتس، ریاڵ چاوی لەوەیە ئەم هاوینە لە هەوڵێکی شۆکهێنەردا بۆ یانە ئینگلیزیەکە، لە کۆبی ماینۆی یاریزانی بچێتە پێشەوە.
🚨 Real Madrid are eyeing a shock summer move to sign Manchester United youngster Kobbie Mainoo, according to reports in Spain.
(Source: Sky Sports) pic.twitter.com/AEQRXUOz0X
— Transfer News Live (@DeadlineDayLive) April 9, 2024
ماینۆ کە لە پێگەی ناوەڕاستی یاریگا یاری دەکات، سەرەڕای تەمەنە گچکەکەی کە هێشتتا ١٩ بەهاری پڕ نەکردووەتەوە، ئاستێکی بەرچاو پێشکەش دەکات لەسەر ئاستی هەڵبژاردەی ئینگلتەرا و یانەکەیشی.
ناوبراو لە مانگی نۆڤێمبەری ساڵی رابردوو یەکەم بەشداری سەرەکی بۆ مان یو ئەنجام دا و بە بردنەوەی ٣-٠ لە ئیڤەرتن وەک پیاوی یارییەکە دەستنیشان کرا.
ئاستی ئەم وەرزەی ماینۆ بە جۆرێکە، زۆرێک لە هاوتیمیەکانی تێپەڕاندووە لە رووی بایەخەوە بۆ ئێریک تین هاگ. دوو گۆڵی کردووە و یەکێکیان گۆڵە ناوازەکەی یەکشەممەی رابردوو بوو بەرانبەر لیڤەرپوول.
گرنگیدانی شاهانەکانی ئیسپانیا بە لاوە ئینگلیزیەکە، بۆ هەرچی زوو شوێنگرتنەوەی دوو ئەفسانەی زیندووی یانەکە لوکا مۆدریچ و تۆنی کرۆسە کە هاوین گرێبەستەکەیان بەسەر دەچێت و ئەگەری ڕۆیشتنیان هەیە لە سانتیاگۆ بێرنابیۆ.
