یاریگا –
ئەمڕۆ سێشەممە، دۆکیومێنتەری مانچێستەر سیتی لە نێتفلیکس بڵاوبووەوە.
دۆکیومێنتەرییەکە بە ناوی ”بەیەکەوە: براوەکانی سێیانە – Together: Treble Winners” سەر لە بەیانی ئەمڕۆ لە نێتفلیکس بڵاوکرایەوە. دۆکیومێنتارییەکە لە شەش زنجیرە پێکهاتووە و باس لە نهێنییەکانی سەرکەوتن و بردنەوەی سێ نازناوی وەرزی رابردووی مانچێستەر سیتی دەکات.
سەرەڕای پیشاندانی لایەنە ئەرێنییەکانی مانچێستەر سیتی، بەڵام بە هیچ شێوەیەک باسی لە تۆمەتەکانی شکاندنی رێساکانی یاری خاوێن و کێشەکانی جواو کانسێلۆی لەگەڵ پێپ گواردیۆلا نەکردووە.
It’s here!!! 🙌
Together: Treble Winners is now streaming on @netflix 📺🍿 pic.twitter.com/EGLGBv7N9s
— Manchester City (@ManCity) April 2, 2024
دۆکیومێنتەرییەکە لەلایەن تیمی وەبەرهێنانی ڤیدیۆیی مانچێستەر سیتییەوە تۆمارکراوە و سەرنجییان لەسەر کەسایەتی یاریزانان و شێوازی مامەڵەکردنیان داندراوە.
بە درێژایی دۆکیومێنتەرییەکە، چەندین جار گواردیۆلا بە چاوێکی پڕ ئاو دەبیندرێت، بە تایبەت دوای بردنەوەی نازناوی چامپیۆنزلیگ.
دوا زنجیرەی بەڵگەفیلمەکە بە گوتارێکی خەلدوون موبارەک، سەرۆکی یانەکە کۆتاییدێت.
