یاریگا –
كارلۆ ئانچێلۆتی ئیتاڵی و راهێنەری یانەی ریال مەدریدی ئیسپانی دوای بردنەوەكەیان بەرامبەر ئاتلێتیك بلباو، ستایشی یاریزانەكانی دەكات.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ئاتلێتیك بلباوی كرد و یاریەكەشی بە ئەنجامی دوو گۆڵی بێ وەڵام لێ بردەوە، لە میانی یارییەكانی هەفتەی 30ی لالیگا.
هەردوو گۆڵەكەی مەدرید لەلایەن رۆدریگۆ لە خولەكەكانی 8 و 73 تۆمار كرا.
🏁 @RealMadrid 2-0 @AthleticClub
⚽ 8' @RodrygoGoes
⚽ 73' @RodrygoGoes#RealMadridAthletic | #Emirates pic.twitter.com/KBX6QZAjmj— Real Madrid C.F. (@realmadrid) March 31, 2024
لە دوای یارییەكە كارلۆ ئانچێلۆتی گوتی:
بە لەبەرچاوگرتنی ئەوەی یاریزانەكان لەگەڵ هەڵبژاردەكانیان هاتوونەتەوە، چاوەڕێمان دەكرد یارییەكە ئاڵۆز بێت، بەڵام زۆر باش دەستمان پێكرد، زوو پێشكەوتین، لە سەر ئاستی بەرگریش زۆر رێكخراو بووین.
دەربارەی بەرگری تیمەكەی گوتی:
ئەوە بەشێكە لە وەرزێكی تەواو، پابەندبوونێكی بە كۆمەڵ هەیە، هێرشبەران رۆڵی بەرگری دەگێڕن و تیمەكەمان لە بارودۆخێكی باشدایە.
وزەمان نەبوو زۆر پێشبكەوین، چونكە ڤاڵڤێردی و بێڵینگهام بە رێژەی %100 ئامادە نەبوون.
دەربارەی گەڕانەوەی میلیتاو لە دوای 232 رۆژ، كارلۆ گوتی:
ئەمڕۆ زۆر كەم یاری كرد، بەڵام زۆر گرنگ بوو بۆ ئێمە كە گەڕایەوە، لە كۆتاییەكانی وەرزداین و پێوویستمان بە هەمووان هەیە، پێش هەمووی بەرگریكارێكی بەهێزی وەك میلیتاو.
بەو بردنەوەیە ریال مەدرید كۆی خاڵەكانی بۆ 75 خاڵ بەرزكردەوە و بە جیاوازی هەشت خاڵ لە پێش بارسێلۆنای دووەمەوەیە.
