فابریزیۆ رۆمانۆ لەسەر بابەتی نێوان ڕیاڵ و مباپێ خاڵی خستە سەر پیتەکان
یاریگا –
پەرەسەندنەکان بەردەوامن لەسەر پرسی پەیوەندی کردنی کیلیان مباپێ بە ڕیاڵ مەدریدەوە و لەو بارەیەوە لە ماوەی چەند رۆژی رابردوودا هەندێک لە سەرچاوە دیارەکان، لە نێویاندا لۆ پارسیان و ئی ئێس پی ئێن دڵنیاییان دا لەو بارەیەوە.
ئەوەی هەمووان لە بابەتی گواستنەوەکاندا وەک کۆتا سەرچاوە و کۆتا قسە وەری دەگرن، زانیارییەکانی فابریزیۆ رۆمانۆیە بەهۆی ئەو ئەزموون و ئەو وردییە زۆرەی لە دەنگوباسدا کە ساڵانێکە هەیەتی لە بوارەکەدا.
رۆمانۆ لە پێگەی فەرمی خۆی لە پلاتفۆرمی X نووسیویەتی کە هێشتا هیچ شتێک بە فەرمی لەنێوان ئەو دوو لایەنەدا واژۆ نەکراوە. ئەوەی هەیە ڕیاڵ بە باوەڕبەخۆ بوونەوە بەردەوامە لە نزیکبوونەوە لە گرێبەستکردن لەگەڵ مباپێ.
🚨 Real Madrid keep advancing on Kylian Mbappé deal with confidence — but nothing has been signed yet.
Formal decision on player side expected soon.
↪️ Nasser Al Khelaifi & PSG have not received any formal communication yet.
It’s a crucial step, part of the pact with Kylian. pic.twitter.com/lzts0ta5wZ
— Fabrizio Romano (@FabrizioRomano) February 5, 2024
ناوبراو ئەوەشی درکاندووە کە ناسر خلێفی و پاریس تا ئێستا هیچ پەیوەندیەکی ڕاستەوخۆیان لەو بارەیەوە پێنەگەشتووە.
بەڵام هەر لە چوارچێوەزی زانیارییەکانیدا، رۆمان دەڵێت کە بڕیاری فەرمی لەلایەن یاریزانەکەوە بەم زوانە رادەگەیەنرێت و هەنگاوێکی چارەنووسسازە.
کیلیان هاوینی دادێ گرێبەستەکەی لەگەڵ پی ئێس جی بەرسەر دەچێت و تا ئێستا هیچ ئاماژەیەکی دڵخۆشکەری نەداوە بە خلێفی بۆ مانەوە لە باخچەی شازادەکان.
