یاریگا-
ناتان ئاكێ، بەرگریكاری هۆڵەندی یانەی مانچێستەر سیتی كۆتایی بە نەفرەتییەكانی یاریگای تۆتنهام بۆ سەر پێپ گواردیۆلا و مانچێستەر سیتی هێنا.
شەوی رابردوو تۆتنهام لە یاریگای خۆیدا میوانداری مانچێستەر سیتی كرد و یارییەكەش بە گۆڵێكی بێ وەڵام لە بەرژەوەندی یانەی میوان كۆتایی هات.
FULL-TIME | Victory at the Tottenham Hotspur Stadium! 🙌
⚪️ 0-1 ⚡️ #ManCity | @okx pic.twitter.com/XPaXK2wXXK
— Manchester City (@ManCity) January 26, 2024
تاكە گۆڵەكەی سیتیزن لە لایەن ناتان ئاكێ لە خولەكی 88ی یارییەكەدا تۆمار كرا.
بەو ئەنجامەش مانچێستەر سیتی توانی خۆی بگەیەنێتە قۆناخی داهاتووی جامی یەكێتی ئینگلتەرا و تۆتنهامیش ماڵئاوایی لە جامەكە كرد.
لە دوای شەش یاری و زیاتر لە 102 لێدان بۆ ناو گۆڵی سپێرز لەلایەن مانچێستەر سیتیەوە، دواجار ئاكێ كۆتایی بەو نەفرەتیەی گۆڵ نەكردن لە یاریگای تۆتنهام هێنا و توانی گۆڵی یەكەم پێشكەشی مان سیتی بكات.
Challenge completed! ✅#ManCity pic.twitter.com/wdmU0AAOMD
— Manchester City (@ManCity) January 26, 2024
لە لێدوانێكی پێشووتریدا ولە دوای بردنەوەی سێ نازناوەكە پرسیار لە گواردیۆلا كرا چ خەونێكت لەگەڵ مانچێستەر سیتی ماوە،لە وەڵامدا بەپێكەنینەوە گوتی: ” كردنی گۆڵێك لە یاریگای تۆتنهام ”.
چاوەڕوان دەكرێت رۆژی چوارشەممەی داهاتوو مانچێستەر سیتی لە یاریگای ئیتیحادی تایبەت بە خۆی میوانداری بێرنلی بكات، لە میانی یارییەكانی هەفتەی 22ی پرێمەرلیگ.
