یەکێکیتر لە پاڵێوراوەکانی شوێنگرەوەی کلۆپ ڕای خۆی خستە ڕوو بۆ وەرگرتنی پۆستەکە
یاریگا –
ئەمڕۆ لە ڕاگەیاندنێکی شۆکهێنەردا بۆ هاندەرانی لیڤەرپوڵ، یۆرگن کلۆپ ڕۆیشتنی لە یانەکە ڕاگەیاند و دوای کۆتایی هاتنی وەرزەکە کاروانە درێژەکەی ئانفیڵد کۆتایی پێ دێنێت.
گەر ڕاستەوخۆ دوای پەیامەکانی کڵۆپ، میدیاکان کەوتنە بڵاوکردنەوەی ناوی پاڵێوراوان بۆ شوێنگرتنەوەی ڕاهێنەرە ئەڵمانیەکە. لەوانە چابی ئالۆنسۆی ئیسپانی و، ستیڤن جێراردی ئینگلیزی و ڕۆبێرتۆ دی زێربی ئیتاڵی.
چابی پابەندبوون و سەرنجی خۆی لەسەر لیڤەرکوزن جەخت لێ کردەوە و، هەموو ئەگەرەکان لەسەر دی زێربی مانەوە. بەڵام ئەویش لە وڵامی پرسیارەکانی سکای سپۆرتسدا وتی
هیچ دەنگوباسێک نییە لەو بارەیەوە. سەرنجم لەسەر کۆتایی وەرزەکەیە و لەسەر ئامانجەکانمان.
🔵🇮🇹 Roberto de Zerbi on Liverpool job links after Klopp decision to leave: “No news about that”.
"My focus is on the end of this season. We want to focus on our targets”, via @ryanadsett. pic.twitter.com/tuPvTqiiDX
— Fabrizio Romano (@FabrizioRomano) January 26, 2024
ڕاهێنەرە ئیتاڵییەکە بەردەوام بوو لە قسەکانی و، لێدوانەکانی کلۆپیشی جەخت لێکردەوە کە پیشەکەیان وزەیەکی زۆری دەوێت و وتی
من لێی تێدەکەم. ئێمە باشترین پیشەمان هەیە، بەڵام ئێجگار قورسە. پێویستت بە وزەیە. هەموو ڕۆژ دەبێت پێشڤە بچیت. دەبێت ڕۆژ دوای ڕۆژ پێش بکەویت. ناتوانیت لە گەشە و لێکۆڵینەوە بوەستیت و بۆ بیرۆکەی نوێ، چونکە تۆپی پێ بەردەوام لە بەرەوپێشچووندایە.
🚨🗣️ "I can understand him, I think we have the best [job], but it is very tough. You need energy, and have to push everyday; improve day by day.
You can't stop your improvement and studies for a new idea. Football is always in development."
Roberto De Zerbi on Jurgen Klopp. pic.twitter.com/9vWGeq7dLp
— Ryan (@ryanadsett) January 26, 2024
دی زێربی و ئاستەکەی لەگەڵ برایتن پێشکەشی دەکات بەتایبەت کە یانەکەی وەک تیمێکی هێرشبەری دەرکەوتووە، ناوی بە چەند یانەیەکی دیکەوە دەبەسترایەوە، بەڵام ڕاگەیاندنەکەی کلۆپ ئەگەگەرەکانی چوونی دی زێربی زیاتر کرد بۆ وەرگرتنی پۆستی ڕاهێنەرایەتی کردنی ڕێدز.
