یاریگا –
یانەی بارسێلۆنای ئیسپانی گورزێكی كوشندەی دیكەی بەركەوت دوای ئەوەی تواناكانی یەكێكی دیكە لە ئەستێرەكانی یانەكەی تا كۆتایی وەرز لەدەستدا.
شەوی رابردوو بارسێلۆنا لە قۆناخی چارەكی كۆتایی جامی شای ئیسپانیا رووبەڕووی ئاتلێتیك بلباو بوویەوە و یارییەكەش بە ئەنجامی چوار گۆڵ بەرامبەر دوو گۆڵ لە بەرژەوەندی كوڕانی ڤاڵڤێردی كۆتایی هات.
لە خولەكی 23ی یارییەكەدا بالدێ بەهۆی پێكان یاریگای جێهێشت و هێكتۆر فۆرت جێگای گرتەوە.
🚨🎖| BREAKING: Alejandro Balde's season is PRACTICALLY OVER! He could undergo SURGERY in the next few days. [@marca & @relevo] #fcblive pic.twitter.com/vJixpZIi9m
— BarçaTimes (@BarcaTimes) January 25, 2024
بەپێی زانیاریەكانی تۆڕی رێلیڤۆ، ئەم وەرزە بۆ ئالێخاندرۆ بالدێ بەرگریكاری باڵی چەپی بارسێلۆنا كۆتایی هات.
هەمان سەرچاوە ئەوەشی ئاشكرا كردووە، یاریزانەكە تووشی پچڕانی بەستەری ئەژنۆی بووە، پێوویستی بە نەشتەرگەری هەیە و بەوەش تا كۆتایی وەرز لە یاریگاكان دوور دەكەوێتەوە.
لە راپۆرتەكەشدا هاتووە، تا ئێستا بارسێلۆنا بڕیاری كۆتایی سەبارەت بە نەشتەرگەریكردن بۆ یاریزانەكە نەداوە.
بارسێلۆنا بە كۆكردنەوەی 44 خاڵ لە ریزبەندی سێیەمی لالیگا دێت و بە جیاوازی هەشت خاڵ لە دوای جیڕۆنای پێشەنگەوە دێت.
