یاریگا –
یانەی ریال مەدریدی ئیسپانی بەشێوەیەكی فەرمی گرێبەستی ئیدێر میلیتاوی بەڕازیلی و بەرگریكاری یانەكەی بۆ ماوەیەكی درێژ نوێ كردەوە.
گرێبەستەكەی پێشووی میلیتاو لەگەڵ ریال مەدرید لە هاوینی ساڵی 2025 بەسەردەچوو.
كەمێك پێش ئێستا هەژماری فەرمی ریال مەدرید لە پلاتفۆرمی ئێكس نوێكردنەوەی گرێبەستی میلیتاوی تا ساڵی 2028 راگەیاند.
🇧🇷🤩 #Militão2028 🇧🇷🤩 pic.twitter.com/5uqPmWAhna
— Real Madrid C.F. (@realmadrid) January 23, 2024
لە بەیاننامەكەی ریال مەدریددا هاتووە:
ریال مەدرید و ئیدێر میلیتاو گەیشتنە رێككەوتن لەسەر نوێكردنەوەی گرێبەستی یاریزانەكە تا هاوینی ساڵی 2028.
میلیتاو لە ساڵی 2019 گەیشتە ریال مەدرید لە تەمەنی 21 ساڵیدا، لە ماوەی پێنج ساڵی یاریكردنیدا بوو بە یەكێك لە باشترین بەرگریكارەكانی جیهان.
لەگەڵ ریال مەدرید توانیویەتی 9 نازناو بباتەوە ئەوانیش نازناوەكانی; چامپیۆنزلیگ، جامی جیهانی یانەكان، سوپەری ئەوروپا، دوو نازناوی لالیگا، جامی شا و سێ نازناوی سوپەری ئیسپانیا.
143 یاری بە درێسی مەدریدەوە كردووە و توانیویەتی 11 گۆڵ بكات.
