یاریگا –
خوان لاپۆرتا، سەرۆكی یانەی بارسێلۆنای ئیسپانی باس لە رووداوەكانی یارییەكەی نێوان ریال مەدرید و ئالمێریا دەكات.
رۆژی یەكشەممەی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ئالمێریای كرد و یارییەكەش بە سێ گۆڵ بەرامبەر دوو گۆڵ لە بەرژەوەندی یانەی خاوەن ماڵ كۆتایی هات.
🏁 @RealMadrid 3-2 @U_D_Almeria
⚽ 1' Ramazani
⚽ 43' Edgar
⚽ 57' @BellinghamJude (p.)
⚽ 70' @vinijr
⚽ 90'+9' @DaniCarvajal92#RealMadridAlmería | #Emirates pic.twitter.com/3gULYlIsgL— Real Madrid C.F. (@realmadrid) January 21, 2024
لە یارییەكەدا چەندین رووداو روویدا كە مشتومڕی درووستكرد و بووەیە هۆی توڕەبوونی یاریزانان و راهێنەری ئالمێریا.
لاپۆرتا لەلێدوانێكی رۆژنامەوانیدا كە رۆژنامەی مۆندۆ دیپۆرتیڤۆ بڵاویكردووەتەوە گوتی:
ئەوەی لە یاریگای سانتیاگۆ بێرنابیۆ روویدا شەرمەزاریی بوو، پێوویستە ناوبژیوانان وەڵامی ئەو فشارانە بدەنەوە كە لەم وەرزەدا روو دەدەن، ئەگەر وا نەكەن كەمتەرخەمی لە كارەكانیاندا روو دەدات.
بەردەوام بوو گوتیش:
دەبێت لایەنی پەیوەندیدار وەڵامی ئەو فشارانە بداتەوە كە بە درێژایی وەرز لەسەر ناوبژیوانەكان روو دەدەن، ئەگەر وا نەبێ ئەوا زۆر نیگەران دەبین.
ریال مەدرید بە كۆكردنەوەی 51 خاڵ لە پێشەنگی ریزبەندی خولی ئیسپانیا دێت و بارسێلۆناش بە 44 خاڵ لە ریزبەندی سێیەم دێت.
