دێکۆ: ئەم یاریزانەی بارسا بۆ فرۆشتن نیە!
یاریگا –
یانەی بارسێلۆنا لەڕێگەی دێکۆی بەڕێوبەری یانەکەوە هەموو شتێکی یەکلا کردەوە لەسەر دەنگۆیەکانی گرنگیدانی بایەرن موینخ بە رۆناڵد ئاراوخۆ.
ماوەیەکە بەرگریکارە ئۆرۆگواییەکە بووەتە ئامانجی باڤارییەکان و ئۆفەری نایابیان بۆ ئامادە کردووە و ئەوەش ترسی لای یانە کەتەلۆنییەکە دروست کردووە ئەگەرچی خودی ئاراوخۆی زیاد لە بۆنەیەک پەیوەستبوونی بە بارساوە دووپات کردووەتەوە.
لە نوێترین دیمانەدا لەگەڵ Movistar کە فابریزیۆ ڕۆمانۆیش بڵاوی کردووەتەوە، بەڕێوبەرە پورتوگالییەکە دەڵێت
بایەرن ئاراوخۆی دەوێت؟ ئێمە بیر لە فرۆشتنی ناکەینەوە. ئەو بۆ فرۆشتن نیە. ئاراوخۆ یەکێکە لە یاریزانە گرنگەکانی داهاتووی بارسا.
دێکۆ جەختیشی کردەوە
ئێمە دەمانەوێت ئەو دڵخۆش بێت و ڕۆژانەیش ئەوە پیشان دراوە. بۆیە هیچ شتێک نییە لەو بارەیەوە قسەی لەسەر بکرێت.
🔵🔴 Barça director Deco: “Bayern want Ronald Araújo? We are not considering selling him. He’s not for sale”.
“He’s one of the key players for Barça future”.
“We want him to be happy and this is shown on a day-to-day basis. There's nothing to talk about”, told Movistar. pic.twitter.com/mXv4Qo28Kc
— Fabrizio Romano (@FabrizioRomano) January 22, 2024
لەپێناو زیاتر وابەستە کردنی ئاراوخۆوە بە بارسا، کەتەلۆنییەکان کردوویانە بە سێیەم کاپتنی یانەکە لە دوای سێرجی ڕۆبەرتۆ و تێر شتینگن.
بارسا دوور لە ئاستی وەرزی ڕابردوویان لە لالیگا، ئەم وەرزە دەناڵێنن بەدەست زۆری گۆڵ لێ تۆمارکران بە جۆرێک لە ٢٠ هەفتەی خولەکە تا ئێستا ٢٤ جار تۆڕەکەیان هەژێنراوە واتا بە ڕێژەی ١.٢ گۆڵ لە هەر یارییەکدا. بۆ ئەمەیش نایانەوێت دڵی بەرگری یانەکە لە قەیرانێکی وادا بفرۆشن.
