بایرن میونشن ئەستێرەیەكی پرێمەرلیگی دەوێت
یاریگا –
راپۆرتە رۆژنامەوانیەكان ئاشكرایانكرد، یانەی بایرن میونشنی ئەڵمانی گرنگی بە گواستنەوەی یەكێك لە ئەستێرەكانی پرێمەرلیگ دەدات.
بەپێی زانیاریەكانی فابریزیۆ رۆمانۆ، رۆژنامەنووسی ئیتاڵی و شارەزا لە بازاڕی گواستنەوەی یاریزانان، بایرن میونشن دەیەوێت كیران تریپیێر ئەستێرەی هێڵی بەرگری هەڵبژاردەی ئینگلتەرا و یانەی نیوكاسڵ یونایتد بگوازێتەوە ریزەكانی یانەكەی.
گرێبەستەكەی تریپیێر لەگەڵ نیوكاسڵ لە هاوینی ساڵی 2025 بەسەردەچێت.
تۆماس تۆخێل، راهێنەری یانە ئەڵمانیەكە لە وەرزی رابردووەوە دەیەوێت یاریزانێك بۆ باڵی راستی یانەكەی بگوازێتەوە، هەوڵی بەدەستهێنانی تواناكانی كایل وۆڵكەری دا بەڵام سەركەوتوو نەبوو.
🚨🔴 Understand Thomas Tuchel has now approved also Kieran Trippier as potential solution for new right back.
❗️ Fav target remains Nordi Mukiele and talks are ongoing with Bayern… but Trippier becomes concrete option.
It will depend on club-to-club talks with PSG and #NUFC. pic.twitter.com/qxLsxccNgq
— Fabrizio Romano (@FabrizioRomano) January 19, 2024
رۆمانۆ لە هەژماری تایبەتی خۆی لە پلاتفۆرمی ئێكس ئاشكرایكردووە، لە گواستنەوەكانی زستانەدا تۆخێل دەیەوێت بۆ باڵی راست كیران تریپیێر بگوازێتەوە یانەكەی.
ئاماژەی بەوەشكرد، نۆردی موكێلی بەرگریكاری باڵی راستی یانەی پاریس سانجێرمانی فەڕەنسی بژاردەی یەكەمی بایرنە تا ئێستا.
رۆژنامەنووسە ئیتاڵیەكە ئەوەشی ئاشكرا كردووە، بایرن چاوەڕێی گفتۆگۆكردنە لەگەڵ پاریس بۆ گواستنەوەی موكیلی و دواتر هەوڵی گواستنەوەی كیران تریپیێر دەدات.
تریپیێر لەم وەرزەدا لەگەڵ نیوكاسڵ بەشداری لە 28 یاری كردووە و توانیویەتی هەشت گۆڵ درووست بكات.
