ریال مه‌درید ده‌وێت گرێبه‌ستی ئه‌ستێره‌یه‌كی یانه‌كه‌ی درێژبكاته‌وه
یاریگا-
یانه‌ی ریال مه‌درید ده‌یه‌وێت گرێبه‌ستی تۆنی كروس بۆ ماوه‌ی سالێك درێژبكاته‌وه.
رۆژنامه‌ی ماركا بڵاویكردۆته‌وه، یانه‌ی ڕیال مه‌درید داوا له تۆنی كروس ده‌كات گرێبه‌سته‌كه‌ی نوێبكاته‌وه، كه له 30ی حوزه‌یرانی 2024 كۆتایی دێت، هه‌رچه‌نده یاریزانه ئه‌ڵمانییه‌كه ده‌یه‌وێت له لووتكه‌ی ئاستی واز له‌یاریكردن بهێنیت.
El Madrid, otra vez en vilo por Kroos https://t.co/5YExWQU9jr Te lo cuenta @CaldeJLCL
— MARCA (@marca) December 24, 2023
پێگه‌كه ئاماژه‌ی به‌وه‌كردووه، ریال مه‌درید به‌هۆی گرفتی زۆری پێكانی یاریزانه‌كانی ترسی له دواكه‌وتنی گه‌ڕانه‌وه‌ی به‌شێك له یاریزانه‌كانی هه‌یه، بۆیه ده‌یه‌وێت یاریزانه ئه‌ڵمانیه‌كه بۆ سالێكی تر له‌گه‌ڵ ریال مه‌درید به‌رده‌وام بیت.
ماركا دووپاتیكردۆته‌وه، كروس بیر له وازهێنان ده‌كاته‌وه، ئه‌مه‌ش كارگێری یانه‌ی شاهانه ناچار ده‌كات چاوه‌ڕێی كۆتایی وه‌رزبكه‌ن، تاكو یاریزانه‌كه رازی بكه‌ن به درێژكردنه‌وه‌ی گرێبه‌سته‌كه‌ی بۆ ماوه‌ی سالێكی دیكه.
