یاریگا –
راپۆرتە رۆژنامەوانیەكان رایانگەیاند یانەی بارسێلۆنای ئیسپانی ئۆفەرێكی گەورەی لەلایەن یەكێك لە یانەكانی پرێمەرلیگ بەدەستگەیشتووە بەمەبەستی دەستبەرداربوون لە ئەلیخاندرۆ باڵدی.
گرێبەستەكەی باڵدی لەگەڵ بارسێلۆنا لە ساڵی 2028 بەسەردەچێت و بڕی هەڵوەشاندنەوەی گرێبەستەكەشی یەك ملیار یۆرۆیە.
🚨💣| BREAKING: Alejandro Balde received an important offer from a club in the Premier League, but he is happy at Barcelona. [@JijantesFC] #fcblive pic.twitter.com/7YsALBohpA
— BarçaTimes (@BarcaTimes) December 18, 2023
بەهۆی ئەو ئاستەی لەگەڵ یانە كەتەلۆنییەكە پێشكەشی دەكات، باڵدی لەلایەن چەند یانەیەكی پرێمەرلیگەوە گرنگی بە گواستنەوەی دەدرێت.
بەپێی زانیارییەكانی رۆژنامەی سپۆرت ئۆفەرێكی گەورە پێشكەشی بارسێلۆنا كراوە لەپێناو دەستبەرداربوون لە باڵدی.
هەمان سەرچاوە ئەوەشی ئاشكرا كردووە، یانە كەتەلۆنییەكە رەتیدەكاتەوە دەستبەرداری یاریزانەكەی ببێت و ئەوەشیان بە خۆرخێ میندێز راگەیاندووە.
یاریزانە لاوەكە دڵخۆشە لە بارسێلۆنا دەیەوێت لە یانەكە بەردەوام بێت بەتایبەت لە كاتێكدا كە چەند مانگێك پێش ئێستا گرێبەستەكەی نوێ كردەوە.
لەم وەرزەی لالیگادا باڵدی بەشداری 15 یاری كردووە و توانیویەتی گۆڵێك درووست بكات.
