کڤاراتسخێلیا: یاریکردن بۆ ریال مەدرید خەونی منداڵیمە
یاریگا –
خڤیچا کڤاراتسخێلیای ئەستێرەی یانەی ناپۆلی خەون بە یاریکردن بۆ یانەی ریال مەدرید دەبینێت.
چوارشەممەی رابردوو لە یارییەکانی گەڕی پێنجەمی خولی یانە پاڵەوانەکانی ئەوروپا، ریال مەدرید لە یاریگای سانتیاگۆ بێرنابیۆ میوانداری ناپۆلی کرد، یارییەکەشی بە ئەنجامی 4-2 بردەوە.
دوای یارییەکە کڤاراتسخێلیای ئەستێرەی یانەی ناپۆلی ئاشکرایکرد، کە کوڕەکەی لە منداڵییەوە هاندەری یانە ئیسپانییەکەیە و خەون بۆ یاریکردن بۆ ئەو یانەیە دەبینێت.
🇬🇪 Kvaratskhelia’s dad Badri: “Khvicha always dreamed and still dreams of playing for Real Madrid. I am sure about it”.
“For Khvicha, playing vs Real Madrid was special. In my family everyone is a Real Madrid supporter, except me”, told @Geo__team. pic.twitter.com/ZdJaPEuBH1
— Fabrizio Romano (@FabrizioRomano) November 30, 2023
خیچکا هەمیشە لە رابردوودا و ئێستایش، خەونی بە یاریکردن بۆ ریال مەدرید بینیوە و دەبینێت. من دڵنیام لەمە. بە لای ئەوەوە یاریکردنیش لە دژی ریاڵ شتێکی تایبەت بوو. لە خێزانەکەمان هەمووان هەوداری ریاڵ مەدریدن جگە لە من.
ئەمڕۆ ئەستێرە جۆرجییەکە لە لێدوانێکی بۆ پێگەی Geo Team قسەکانی باوکی دووپاتکردەوە و ئاشکرایکرد کە خەون بە یاریکردن بۆ یانە شاهانییەکەی ئیسپانیا دەبینێت.
ریال مەدرید دڵخوازترین تیپی منداڵیمە.
ئێستا سەرنجم بە تەواوەتی لەسەر ناپۆلییە، هەموو هەوڵێکی خۆم دەخەمەگەڕ بۆ یارمەتیدانی تیپەکەم، حەزم لە یاریکردن بۆ چەند یانەیەک هەیە بەڵام بیر لە داهاتووم ناکامەوە، چوونکە بیرم تەنیا لای ناپۆلییە و لێرە هەست بە دڵخۆشییەکی زۆر دەکەم.
🇬🇪 Kvaratskhelia: “Real Madrid was my favorite team in my childhood”.
“Now I am 100% focused on Napoli. I am doing best to help the team. I like many clubs but I’m not even thinking about my future — as all I think about is Napoli and I feel so happy here”, told @Geo__team. pic.twitter.com/Z7I6H7STfB
— Fabrizio Romano (@FabrizioRomano) December 6, 2023
