ئۆفەرێكی خەیاڵی پێشكەشی دی برۆین دەكرێت
یاریگا –
راپۆرتە رۆژنامەوانیەكانی ئیسپانیا سورپرایزێكیان سەبارەت بە داهاتووی كێڤن دی برۆین ئەستێرەی هەڵبژاردەی بەلجیكا و یانەی مانچێستەر سیتی ئینگلیزی ئاشكراكرد.
لە یەكەم یاری ئەم وەرزەی پرێمەرلیگدا دی برۆین تووشی پێكان بوو بەهۆیەوە بەشداری لە هیچ یارییەكی ئەم وەرزەدا نەكرد.
Four years ago today, Kevin de Bruyne scored this banger for Manchester City. 🚀😳
— CentreGoals. (@centregoals) November 30, 2023
بەپێی زانیاریەكانی رۆژنامەی مۆندۆ دیپۆرتیڤۆ كە بابەتەكەی لە رۆژنامەی الشرق الأوسط وەرگرتووە، گرێبەستەكەی دی برۆین لەگەڵ مانچێستەر سیتی لە هاوینی ساڵی 2025 بەسەردەچێت و گرێبەستەكەی لەگەڵ یانەكەی نوێ ناكاتەوە.
بەپێی زانیاریەكانی هەمان سەرچاوە، دی برۆین ئۆفەرێكی خەیاڵی لەلایەن قادسیەی سعودیەوە بەدەست گەیشتووە.
رۆژنامەکە ئاماژەی بەوەشکردووە، یانەی قادسیە کە ئێستا لە خولی پلە دووی سعودیە یاری دەکات، بەنیازە ریزەکانی یانەكەی لەگەڵ دی برۆین بەهێزتر بکات، ئەگەر وەرزی داهاتوو سەربکەوێت بۆ خولی رۆشن.
Kevin De Bruyne is coming back this December pic.twitter.com/Wl1Fpo7xHq
— 47 (@TheFodenSZN) December 2, 2023
دی برۆین ئێستا تەنیا سەرنجی لەسەر گەڕانەوەی بۆ یاریگاکانە، بۆ ئەوەی یارمەتی تیپەکەی بدات بۆ پاراستنی ئەو پاڵەوانێتیانەی وەرزی رابردوو بەدەستی هێناوە.
