یاریگا –
ئاندێرسن تالیسكای بەڕازیلی و ئەستێرەی یانەی نەسری سعودی باسی دۆڕاندنەكەیان بەرامبەر هیلال دەكات.
شەوی رابردوو هیلال لە یاریگای خۆیدا میوانداری نەسری كرد و یارییەكەشی بە ئەنجامی سێ گۆڵی بێ وەڵام لێ بردەوە، لە میانی یارییەكانی هەفتەی پازدەی خولی رۆشنی سعودی.
گۆڵەكانی هیلال لەلایەن ساڤیچ لە خولەكی 64 و میترۆڤیچ دوو گۆڵ لە خولەكەكانی 89 و 92 تۆمار كران.
“لدينا نجوم من جميع أنحاء العالم وخسارة الديربي لن تؤثر على مستوانا”
تاليسكا- لاعب #النصر#الرياض_إكسبو2030#Hilal_Nassr#الهلال_النصر| #النصر_الهلال pic.twitter.com/R65f2aI0VQ
— شركة الرياضة السعودية SSC (@ssc_sports) December 1, 2023
لە لێدوانەكانی دوای یارییەكەدا بۆ كەناڵی SSC سعودی تالیسكا ووتی:
بەڕای من یارییەكە بۆ ئێمە باش بوو، جگە لە ئەنجامەكە كەمێك قورس بوو، ئێمە باشترینی خۆمان لە یارییەكەدا پێشكەشكرد، بەڵام لێدانی كۆتاییمان نەبوو.
بەردەوام بوو ووتی:
هیلال هەلەكانی كە بۆی رەخسا توانی گۆڵ بكات، بەڵام هێشتا خولەكە كۆتایی نەهاتووە، رێگایەكی دوور و درێژمان لە پێشە.
گۆڵكارەكەی نەسر بەردەوام بوو ووتی:
ئێمە یەك خێزانین لە تیپەكەدا و لە بردنەوە و دۆڕاندا پێكەوە دەمێنینەوە، ئەمڕۆ تووشی شكست بووین بەڵام هێشتا پێكەوە درێژە بە رێگاكەمان دەدەین.
لە كۆتایێشدا ووتی:
ئێمە لەسەرخۆین، خولەكە هێشتا زۆری ماوە، نەسر ئەستێرەی لە هەموو جیهان هەیە، بۆیە ئەوە زۆر كاریگەری نابێت لەسەرمان.
هیلال بە كۆكردنەوەی 41 خاڵ پێشەنگی خولی سعودی گرتووە و نەسریش بە 34خاڵ لە پلەی دووەم دێت.
