دیماریا: تەنانەت داپیرەشم لەوە تێگەیشت کە مێسی کێشەی لەگەڵ لیڤاندۆڤسکی هەیە
یاریگا
ئانخێل دیماریا یاریزانی هەڵبژاردەی ئارجێنتینا دەڵێت هەر کاتێک لیۆنێل مێسی هاونیشتیمانی توڕە بکرێت، دەرەنجامەکانی بە خراپە بەسەر بەرامبەرەکەی دەشکێتەوە.
پاڵەوانەکەی مۆندیالی 2022ـی قەتەر، لە فیلمێکی دیکۆمێنتاریی +Star بە ناوی “پاڵەوانەکان، دوای ساڵێک” باسی ڕووبەڕووبوونەوەی لیۆنێل مێسی و ڕۆبێرت لیڤاندۆڤسکی لەم پاڵەوانێتییەدا کردووە و دەڵێت
تەنانەت داپیرەشم لەوە تێگەیشت کە مێسی کێشەی لەگەڵ لیڤاندۆڤسکی هەیە و بە ئەنقەست ڕووبەڕووی بووەتەوە. کاتێک کەسێک باسی مێسی دەکات ئەو لە مێشکی خۆیدا دەنوسێتەوە و لە ناو یاریگا تۆلەی خۆی دەکاتەوە. مۆدێلی مێسیە و پێموایە ئەمە شتێکی ئاساییە. کەسانێک هەن هەندێک جار ڕێزی لێناگرن و نازانن باشترین یاریزانی مێژووە. کەواتە پێویست ناکات هیچ بە مێسی بڵێیت، چونکە لە کۆتاییدا توڕە دەبێت و شتەکان خراپتر دەبن
کێشەکەی مێسی و لیڤاندۆسڤکی بەهۆی خەڵاتی باڵۆن دۆر بوو، لیڤا پێشتر چانسێکی باشی هەبوو بۆ بەدەستهێنانی خەڵاتەکە، بەڵام لەبری ئەو لیۆنێل مێسی حەوتەمین خەڵاتەکەی بەدەستهێنا. دواتر هێرشبەرە پۆڵەندییەکە ناڕەزایی خۆی دەربڕی و دووپاتیکردەوە کە خەڵاتەکە مافی مێسی نییە.
