یاریگا –
جود بێڵینگهام لە چامپیۆنزلیگ، ریکۆردێکی ئێرلینگ هالاند، کیلیان ئێمباپێ و کەریم بێنزێمای دووبارەکردەوە.
شەوی رابردوو لە یارییەکانی گەڕی پێنجەمی قۆناخی کۆمەڵەکانی خولی یانە پاڵەوانەکانی ئەوروپا، ریال مەدرید لە یاریگای خۆی میوانداری ناپۆلی کرد، یارییەکە بە ئەنجامی 4 گۆڵ بەرامبەر بە 2 گۆڵ لە بەرژەوەندی مێرێنگی کۆتایی هات.
جود بێڵینگهامی ئینگلیزی وەک هەمیشە بە ئاستێکی بەرز دەرکەوت، توانی گۆڵێک بکات و گۆڵێکیش درووستبکات، بە باشترین یاریزانی یارییەکەش دەستنیشانکرا.
Fantastic UCL performance from the team. What did you put in these, @adidasfootball? 😮💨#HalaMadrid 🤍 pic.twitter.com/yirPgFp2EU
— Jude Bellingham (@BellinghamJude) November 29, 2023
جود بەردەوامە لە نوسینەوەی مێژوو، بە تۆمارکردنی گۆڵێک لە یارییەکەی شەوی رابردوو ژمارەی گۆڵەکانی لە چامپیۆنزلیگ گەیاندە 10 گۆڵ لە 27 یاریدا.
بەمەش بێڵینگهام بوو بە چوارەم یاریزان لە مێژووی چامپیۆنزلیگ بەر لە گەیشتنی تەمەنی بە 21 ساڵی، 10 گۆڵ لە پاڵەوانێتییەکە تۆماربکات.
ئەو یاریزانانەی بەر لەوەی تەمەنیان بگات بە 21 ساڵ 10+ گۆڵیان لە چامپیۆنزلیگ کردووە:
◉ ئێرلینگ هالاند، 20 گۆڵ
◉ کیلیان ئێمباپێ 19 گۆڵ
◉ کەریم بێنزێما 12 گۆڵ
◉ جود بێڵینگهام 10 گۆڵ
Only four players have scored 10+ goals in the Champions League before turning 21:
◉ Erling Haaland (20)
◉ Kylian Mbappé (19)
◉ Karim Benzema (12)
◉ Jude Bellingham (10)We’re in an elite era. 🔥 pic.twitter.com/DPqY2WEPWh
— Squawka (@Squawka) November 29, 2023
