پاریس سانجێرمان رێگە بە رۆیشتنی ئەستێرەکەی نادات

یاریگا –

ئەلیخاندرۆ کامانۆ، بەڕێوەبەری کارەکانی ئەشرەف حەکیمی، بەرگریگاری یانەی پاریس سانجێرمان، دووپاتیکردەوە کە ئەم بەرگریکارە ناگەڕێتەوە ئینتەرمیلان.

پاریس سانجێرمان لە ساڵی 2021 وەبەرهێنانێکی گەورەی کرد و ئەشرەف حەکیمی لە ئینتەرمیلانەوە گواستەوە. یانە فەرەنسییەکە بڕی 70 ملیۆن یۆرۆی لە گواستنەوەی یاریزانە مەغریبییەکە خەرج کردووە و وەرزی 2023-2024 باشترین وەرزی بەرگریکارەکە بێت لەو کاتەوەی پەیوەندی بە یانەکەوە کردووە.

ئەم یاریزانە تەمەن 25 ساڵە تا ئێستا لەم وەرزەدا لە 14 یاریدا لە سەرجەم پاڵەوانێتییەکان 4 گۆڵی تۆمارکردووە و 4 ئەسیستیشی هەبووە. لەکاتێکدا حەکیمی بۆندی سێ ساڵی دیکەی لەگەڵ پاریس سانجێرمان هەیە، بەڵام دەنگۆی زۆر لەسەر رۆیشتنی ئەم یاریزانە هەیە.

بەڕێوبەری کارەکانی حەکیمی لەم دواییانەدا لێدوانی لەسەر ئەگەری گەڕانەوەی حەکیمی بۆ ئینتەرمیلان دا. ئینتەر دوای تەنها یەک وەرز لە سێریا ئەی ئەستێرە مە‌غربییەکەی بە یانە فەرەنسییەکە فرۆشت.

ئەلیخاندرۆ کامانۆ لە لێدوانێکیدا بۆ تیڤی پلەی گوتی:

دەزانم خەڵکێکی زۆری لە ئینتەرمیلان دڵخۆش کرد بەڵام پێموایە چیرۆکەکەی لەوێ تەواو بووە، من لەبارەی داهاتووەوە نازانم، بەڵام پاریس سانجێرمان لەگەڵ حەکیمی سەبارەت بە ئەگەری درێژکردنەوەی گرێبەستەکەی بۆ چەند وەرزی تر لە گفتوگۆدایە.

🚨 Achraf Hakimi pourrait prolonger son contrat pour une longue durée au PSG. ❤️💙

Alejandro Camano, agent d’Achraf Hakimi : “Je peux garantir que 𝗹𝗲 𝗣𝗦𝗚 𝗽𝗮𝗿𝗹𝗲 𝗱𝗲 𝗰𝗼𝗻𝘁𝗶𝗻𝘂𝗲𝗿 𝗮𝘃𝗲𝗰 𝗔𝗰𝗵𝗿𝗮𝗳 𝗛𝗮𝗸𝗶𝗺𝗶 𝗽𝗼𝘂𝗿 𝘂𝗻𝗲 𝗹𝗼𝗻𝗴𝘂𝗲 𝗽𝗲́𝗿𝗶𝗼𝗱𝗲. Il a… pic.twitter.com/tIjBhrT90g

— Instant Foot ⚽️ (@lnstantFoot) November 16, 2023