جود بێڵینگهام ئەمڕۆ بەرەو فەڕەنسا بەڕێدەکەوێت بۆ وەرگرتنی خەڵاتی کۆپا وەکو باشترین یاریزانی لاوی فرانس فوتبۆڵ.
ئەمڕۆ لەهەمان بۆنەی ئاشکراکردنی براوەی باڵۆن دۆر، چەند خەڵاتێکی دیکەش دەدرێت و یەکێک لەوانە خەڵاتی باشترین یاریزانی خوار 21 ساڵە.
بەگوێرەی مارکا، ئەوە یەکلابووەتەوە جود بێڵینگهام ئەو خەڵاتەی بردووەتەوە. هەر بۆیە ئەمڕۆ لە بۆنەکەی فرانس فوتبۆڵ ئامادە دەبێت و خەڵاتەکە وەردەگرێت.
هەموو پێشهاتەکانیش ئاماژە بۆ ئەوە دەکەن، لیۆنێل مێسی خەڵاتی باشترین یاریزانی ساڵ و باڵۆن دۆری هەشتەمی خۆی مسۆگەرکردووە.
هاوکات جگە لەو دوو خەڵاتە، خەڵاتی باشترین یاریزانی خانمان، باشترین گۆڵپارێز، باشترین گۆڵکار و چەند خەڵاتێکی دیکەش دابەش دەکرێن.
