ریال مەدرید چاودێری براکەی بێڵینگهام دەکات
یاریگا –
ریال مەدرید لە نزیکەوە چاودێری ئاستی جۆب بێڵینگهامی برای جود بێڵینگهام دەکات.
رۆژنامەی سەندەرلاند ئیکۆ بڵاویکردووەتەوە، لە پشووە نێودەوڵەتییەکاندا، ریال مەدرید دۆزەرەوەی یاریزانانی ناردووە تا لەنزیکەوە چاودێری ئاستی جۆب بێڵینگهام بکەن، کە یاری بۆ هەڵبژاردەی ئینگڵتەڕای خوار 19 ساڵان دەکات.
یاریزانە تەمەن 18 ساڵانییەکە وەک ناوەڕاستکاری هێرشبەر یاری دەکات، لەم هاوینە بە بڕی 1.75 ملیۆن یۆرۆ لە بێرمینگهامەوە گواسترایەوە بۆ سەندەرلاند، کە یانەک بەشداریە لە چامپیۆنشیپ.
لەم وەرزە لە 12 یاری، بەشێوەیەکی گشتی لە کۆی 889 خولەک یاریکردن، 2 گۆڵی بۆ یانەکەی کردووە و گۆڵێکیشی درووستکردووە.
Real Madrid reportedly sent out scouts to watch Jobe Bellingham in action for England Under-19s during the international break 🤯👀
Could the 18-year-old be linking up with his brother Jude at the Bernabeu in the future? 🤩🇪🇸 pic.twitter.com/rgtoxbsyzV
— SPORTbible (@sportbible) October 16, 2023
جۆب شوێنپێی جود دەگرێتەبەر
ریال مەدرید لەم هاوینە بە بڕی 103 ملیۆن یۆرۆ، جود بێڵینگهامی لە دۆرتموندەوە گواستەوە بۆ ریزەکانی، ئەستێرە ئینگلیزییەکە هەر لە دەستپێکەوە بەشێوەیەکی سەرسوڕهێنەری لەگەڵ لۆسبلانکۆس خۆی گونجاندووە.
لەم وەرزە لە سەرجەم پاڵەوانێتییەکان لە 10 یاریدا 10 گۆڵی بۆ مێرینگی کردووە و 3 گۆڵیشی درووستکردووە.
ئاستە بەرزەکەی جود ریال مەدریدی راکێشەوەتە ئەو ئاستەی نوێنەرانی خۆیان بنێرن تا لە نزیکەوە چاودێری ئاستی جۆبی برای بکەن.
بۆیە ئەگەر یاریزان دۆزەرەوەکانی ریال بە ئەنجامێکی باشەوە بگەڕێنەوە، پێدەچێت جۆب شوێنپێی براکەی بگرێتبەر و ببێت بە چیرۆکێکی قەشەنگی دیکەی مێرێنگی.
Hola Madridistas!🤍
It is the proudest day of my life to join the greatest club in the history of the game. I will give absolutely everything I have to help this team win. Thank you for the amazing welcome. HALA MADRID!!!🤍🤍🤍 pic.twitter.com/MVdArVXMQf— Jude Bellingham (@BellinghamJude) June 15, 2023
