یاریگا –
پێپ گواردیۆلای ئیسپانی و راهێنەری یانەی مانچێستەر سیتی ئینگلیزی بەرەو ئامانجێكی ریال مەدرید هەنگاو دەنێت.
بەپێی زانیارییەكانی تۆڕی دێڤێنسا سێنترال مانچێستەر سیتی لەسەر خواستی پێپ گواردیۆلای راهێنەری دەچێتە كێبڕكێی بەدەستهێنانی تواناكانی ئالفۆنسۆ دەیڤزی كەنەدی و بەرگریكاری بایرن میونشن لە گواستنەوەكانی هاوینەدا.
‼️🇨🇦 Real Madrid insist on Alphonso Davies. He remains the club’s big target. The player is also aware that Real Madrid will bet heavily on him next summer. @diarioas pic.twitter.com/IegghxTOV7
— Madrid Xtra (@MadridXtra) October 7, 2023
گرێبەستەكەی ئالفۆنسۆ دەیڤز لەگەڵ بایرن میونشن لە هاوینی ساڵی 2025 بەسەردەچێت.
دەیڤز ئامانجی سەرەكی ریال مەدرید و فلۆرێنتینۆ پێرێزە لە گواستنەوەكانی هاوینی داهاتوودا، بەڵام مانچێستەر سیتی دەبێتە بەربەست لەبەردەم یانە شاهانەكەدا و هەوڵی بەدەستهێنانی واژۆی یاریزانەكە دەدات.
سەرچاوەكە ئەوەشی ئاشكرا كردووە، ریال مەدرید موچەی ساڵانەی 8 ملیۆن یۆرۆی بۆ بەرگریكارە كەنەدییەكە داناوە، بەڵام سیتیزن بەهای 15 ملیۆن یۆرۆی دیاریكردووە وەك موچەی ساڵانەی لەگەڵ یانەكە.
