یاریگا –
دزی لە ماڵەکەی سێرجیۆ رامۆسی ئیسپانی و ئەستێرەی یانەی سێڤییا کراوە.
پێگەی ABC de Sevilla بڵاویکردووەتەوە، لە کاتی بەڕێوەچوونی یاری نێوان سێڤییا و لانس لە میانی یارییەکانی گەڕی یەکەمی خولی یانە پاڵەوانەکانی ئەوروپا، دزی لە ماڵەکەی سێرجیۆ رامۆس کراوە.
پێگە ئیسپانییەکە ئاماژەی بەوەیش کردووە، چەند کەسێک هەڵیانکوتاوەتە سەر شوێنی نیشتەجێبوونی رامۆس و خێزانەکەی، شوێنەکە بە ناوی فینکا لا ئەلێگریا یە، دەکەوێتە شاری بۆلۆلۆس دی لا میتاسیۆن، لە ناوچەی لا جولیانا و نزیکەی بیست کیلۆمەتر لە شاری سێڤییا دوورە.
دزەکان بۆ چوونە ناو ماڵەکەی رامۆس سەرەتا سیستەمی سەلامەتییان لەکار خستووە، لەو کاتەدا رامۆس و هاوژینەکەی لەماڵ نەبوون، بەڵام چوار منداڵ و چاودێرەکەیان لە ماڵەکەدابوون، کە ئەمەیش بووەتە هۆی درووستبوونی مەترسی بۆسەر ژیانیان.
خۆشبەختانە سەرجەمیان بە سەلامەتی دەربازیان بووە، بەڵام دزەکان کۆمەڵیک خشڵ، کاتژمێر و جلوبەرگی گرانبەهایان دزیوە، کە بەهایەکی یەکجار زۆریان هەبووە. پۆلیسی ئەو شارە بەردەوامە لە لێکۆڵینەوە و تا ئێستا دزەکان دەستگیر نەکراون.
هاوکات ئەمە جاری یەکەم نییە دز هەڵدەکوتێتە سەر ماڵی رامۆس، لە ساڵی 2012 لە رووداوێکی هاوشێوە و لە شاری مەدرید دز هەڵیکوتایە سەر ماڵەکەی، بەڵام ئەوکات رامۆس و براکەی لەماڵ بوون، ئەمەیش وایکرد دزەکان بە دەستبەداڵی لە شوێنەکە رابکەن.
سێرجیۆ رامۆس، لەم مێرکاتۆیە دوای کۆتایی هاتنی گرێبەستەکەی لەگەڵ پاریس سانجێرمان، دوای 19 ساڵ جارێکی دیکە گەڕایەوە سێڤییا.
Volver a casa sabe mejor con victoria y portería a cero. Ha sido increíble sentir el calor del Ramón Sánchez-Pizjuán 6.595 días después. ¡Seguimos!
Returning home tastes better with a win and a clean sheet. It's been amazing to feel the support of the Ramón Sánchez-Pizjuán… pic.twitter.com/rjEHUj1gPl
— Sergio Ramos (@SergioRamos) September 17, 2023
