چاڤی: ئەم وەرزە لە رووی بەرگریەوە باش نین
یاریگا
چاڤی هێرناندێز راهێنەری بارسێلۆنا دوای یەکسانبونەکەی بەرامبەر ریال مایۆرکا لە گەڕی حەوتەمی لالیگا رەخنەی لە هێلی بەرگرییانەکەی گرت و گووتی
ئەو دوو هەڵەیە کاریگەری زۆری لەسەر یارییەکەی ئەمڕۆ هەبوو. ناتوانین ئەو جۆرە دیاریانە پێشکەش بە رکابەرەکانمان بکەین. ساڵیڕابردوو لە ڕووی بەرگرییەوە زۆر بەهێز بووین و ئەمساڵ ئەوەندە باش نین و ئەوەش کاریگەری خۆی دەبێت
چاڤی لە بەشێکی دیکەی قسەکانیدا گووتی
خوێندنەوەی دۆخەکە ئەوەیە کە ئێمە دەرفەت دەخوڵقێنین و توانیومانە باشتر بین. بەڵام ئێمە گۆڵێکی زۆرمان لێدەکرێت و ئەمەش کێشەیئەمڕۆ بوو. بۆیە پێویستە زیاتر ڕێکخراو بین
راهێنەرەکەی بلاوگرانا لەبارەی یەکسانبونەکەی بەرامبەر مایۆرکا دەڵێت
هۆکاری یەکسانبونەکە ئەو هەڵە تاکەکەسیەیانەن کە ئەنجامی دەدەین. هەڵەی تاکە کەسیمان هەیە و دەبێت زیاتر سەرنجمان لەسەر بێت. خاڵێکی لاواز هەیە هەم بەرامبەر سێلتا ڤیگح و هەم لەم یارییەش. ساڵی ڕابردوو کردمان و دەبێت ئێستا ئەمساڵ بیکەین
بارسێلۆنا دوای پێنج بردنەوەی لەسەر یەک لە شەش یارییەکەی سەرەتای لالیگا، لە گەڕی حەوتەمی خولەکە بووە میوانی ریال مایۆرکا ویارییەکەش بە یەکسانبوون بە ئەنجامی 1-1 کۆتایی هات.
