یاریگا –
لویس کاسترۆ، راهێنەری نەسری سعودی، بڕیاریداوە بۆ یاری داهاتوویان لە جامی شای سعودیە، پشوو بە سێ یاریزان بدات.
ئەمڕۆ دووشەممە، نەسر لە قۆناخی 32ی جامی شای سعودیە، رووبەڕووی ئوحوود دەبێتەوە و یارییەکەش لە یاریگای شازادە فەیسەڵ بن عەبدوڵا بەڕێوەدەچێت.
رۆژنامەی ریازییە بڵاویکردووەتەوە، راهێنەرە پۆرتوگالییەکە پشوو بە کریستیانۆ رۆناڵدۆ، مارسێلۆ بڕۆزۆڤیچ و سوڵتان غەنام دەدات، ئەمەش دوای ماندووبوونی یاریزانانی ناوبراو لە یارییەکانی خولی رۆشن و چامپیۆنزلیگی ئاسیا.
نەسر ئامادەکارییەکانی بۆ یارییەکە تەواوکردووە و ئێستا لە جەددەیە بۆ یارییەکەی ئەمشەویان بەرامبەر ئوحوود.
نەسر بە رۆحێکی بەرزەوە بەشداری لە یارییەکە دەکات، ئەمەش دوای بردنەوە یەک لە دوای یەکەکانی لەسەر ئاستی ناوخۆ و دەرەوە، بە تایبەت بردنەوەی یاری کلاسیکۆ لە بەرامبەر ئەهلی، بە ئەنجامی 4-3.
