یاریگا-بریکاری یۆرگن کلۆپی راهێنەری لیڤەرپوول رایدەگەیەنێت کلۆپ لە ئەرکەکەی بەردەوام دەبێت و نابێتە راهێنەری هەڵبژاردەی ئەڵمانیا.
ئەمڕۆ دەنگۆیەکی بەهێز هەبوو لەنێو رۆژنامە ئەڵمانییەکان کە باسییان لەوە دەکرد، کڵۆپ جێگەی هانسی فلیک دەگرێتەوە و دەبێتە راهێنەری هەڵبژاردەی وڵاتەکەی، بەڵام مارک کۆسیکی بریکار بۆ سپۆرتشاو وتی
کلۆپ گرێبەستێکی درێژخایەنی هەیە لەگەڵ لیڤەرپوول و بەردەست نیە و یەکێک نیە لە بژاردەکان بۆ هەڵبژاردەی ئەڵمانیا
پێشتریش خودی راهێنەرەکە وتبووی
وەرگرتنی راهێنەرایەتی ئەڵمانیا شانازییەکی زۆر زۆر گەورەیە بۆ من، بەڵام ناتوانم هەروەها لیڤەرپوول جێبهێڵم و دڵسۆزیم بۆ یانەکە رێگرە لە کارێکی لەو جۆرە
ئەڵمانیا هانسی فلیکی راهێنەری دوورخستەوە پاش ئەنجامە خراپەکانی مانشافت لەوکاتەوەی ئەو راهێنەرە جێگەی خواکیم لۆفی گرتووەتەوە.
