یاریگا-سەرەنجام فشارە ناوخۆیی و ئەورووپییەکان چۆکیان بە لویس روبیالێس دادا و رایگەیاند واز لە کارەکەی دەهێنێت.
روبیالێس بەهۆی ماچێکەوە بووە نەخوازراوترین کەسایەتی ئیسپانیا کاتێک سنوری کوسیی جینی هێرمۆسۆی یاریزانی خانمانی ئیسپانیای بەزاند و ماچی کرد، دواتریش لەبری داوای لێبوردن لۆمەی یاریزانەکەی کرد و ئەمەش هێندەی تر کەیسەکەی لەسەر گەورەترکرد.
رووداوەکە، کاردانەوەی زۆری بەدوای خۆیدا هێنا تا کار گەیشتە ئەوەی سەرجەم بەرپرسانی تۆپی پێی ئیسپانیا و ئەورووپا و هەروەها یاریزانانی ئەو وڵاتەش داوا لە روبیالێس بکەن واز بهێنێت، بەڵام ناوبراو ئامادە نەبوو ئەو کارە بکات ، تاوەکو لە میانەی پڕۆگرامێکی پیەرس مۆرگانی پێشکەشکاری بەناوبانگ، رایگەیاند وازدەهێنیت.
روبیالێس لە میانەی پڕۆگرامەکەدا وتی
بەڵێ وازدەهێنم چونکە چیتر ناتوانم کار بکەم
پیەرس لە سەرۆکەکەی پرسی چی یاخو کێ سەرەنجام وای لێکردی بڕیاری وازهێنان بدەیت؟ ئەویش وتی
قسەم لەگەڵ باوکم و کچەکانم کرد، هەروەها چەند هاوڕێیەکی نزیک، پێیان وتم لویس ئەگەر بەردەوام بیت لەسەر کەرامەتت دەکەوێت و ئازاری ژیانت دەدات و ئازاری ئەو کەسانە دەدەیت کە خۆشت دەوێن و ئەو وەرزشەی خۆشتەوێت. منیش بڕیارمدا تەنها بیر لە خۆم نەکەمەوە.
روبیالێس هاوکات لەلایەن خودی یاریزانەکەوە سکاڵای یاسایی لەسەر تۆمارکراوە و یوێفاش پەڕاوی لێکۆڵینەوەی بۆ کردووەتەوە.
ناوبراو ماوەی پێنج ساڵە سەرۆکی تۆپی پێی ئیسپانیایە و جێگری سەرۆکی یەکێتی تۆپی پێی ئەورووپاش بوو.
BREAKING: Luis Rubiales has sensationally resigned as President of the Royal Spanish Football Federation following the scandal over him kissing Spain’s Jenni Hermoso at the Women’s World Cup Final. He revealed the news in a world exclusive interview for @PiersUncensored pic.twitter.com/Kl2uQTOzqv
— Piers Morgan (@piersmorgan) September 10, 2023
