یاریگا –
لویس ئێنریكێ، راهێنەری ئیسپانی یانەی پاریس سان جێرمانی فەڕەنسی رەتیكردەوە بردنەوەی یانەكەی بەهۆی تەنیا یاریزانێكەوە بێت.
شەوی رابردوو پاریس سان جێرمان لە یاریگای خۆیدا میوانداری لێنسی كرد و یارییەكەشی بەئەنجامی سێ گۆڵ بەرامبەر گۆڵێك لێ بردەوە، لە میانی یارییەكانی هەفتەی سێیەمی خولی فەڕەنسیدا.
گۆڵەكانی پاریس لەلایەن ماركۆ ئەسینسیۆ لە خولەكی 44 و كیلیان ئێمباپێ لە خولەكەكانی 52,91 تۆمار كران.
لە دوای یارییەكە ئێنریكێ ووتی: تەنیا بەهۆی تواناكانی یاریزانێكی دیاریكراوی وەك ئێمباپێ و دێمبێلیەوە نایبەینەوە، بەڵكو بەهۆی تواناكانی تەواوی یاریزانەكانەوەیە.
بەردەوام بوو ووتی: ئێمە تیمێكی بە كۆمەڵین، پێوویستمان بە تواناكانی سەرجەم یاریزانەكانە بۆ بردنەوە.
بەردەوام بوو ووتی: ئەو شێوازەی كە بەرامبەر لێنس یاریمان پێكرد هەمان شێوازی یاریكردنمان دەبێت لە خولی یانە پاڵەوانەكانی ئەوروپای وەرزی داهاتوو.
🎙️ Luis Enrique : "Une équipe qui joue la Champions League avec un entraîneur de ce niveau, ce n'est pas si facile que ça"
Le coach 🇪🇸 salue son groupe et la qualité de l'adversaire ce soir au micro d'@alexandreruiz #PSGRCL #PSG pic.twitter.com/bJtZ0Lv9xE
— Free Ligue 1 (@FreeLigue1) August 26, 2023
بردنەوەكەی شەوی رابردوو یەكەم بردنەوەی پاریس سان جێرمانە لە یارییەكانی ئەم وەرزەی لیگ وەن.
