سەڵاح پێش ستیڤن جیرارد کەوت

یاریگا- محەمەد سەڵاح بەو گۆڵەی بەرامبەر بۆرنماوس تۆماریکرد پێش ستیڤن جیرارد کەوت لە ریزبەندی گۆڵکارانی مێژووی یانەکەدا.

سەڵاح لەو یارییەدا لێدانێکی سزای لەدەستدا بەڵام دواتر بە گۆڵێک تۆڵەی کردەوە. ئەوەش گۆڵی ژمارە  187ی ئەستێرە مسڕییەکە بوو لەسەرجەم پاڵەوانێتییەکاندا. بە گۆڵە پێش جیرارد کەوت کە خاوەنی 186 گۆڵ بوو لە رێدز.

هاوکات بووە پێنجەم گۆڵکاری مێژوویی لیڤەرپوول بەڵام رێگایەکی دوورودرێژی لەبەردەمە تاوەکو بگاتە پلەکانی سەرووتر.  ئییان راش بە 346 گۆڵ، گۆڵکاری مێژوویی ئەو یانەیە، پاش ئەو هەریەک لە رۆجەر هەنت (285 گۆڵ)،  گۆردن هەدسن (241 گۆڵ)،  بیڵی لیدڵ (228 گۆڵ)یان تۆمارکردووە.

بردنەوەکەی لیڤەرپوول، یەکەم بردنەوەی وەرزی نوێ بوو پاش بەرامبەربوون لەگەڵ چێڵسی لە یەکەم هەفتەدا بە گۆڵێک بۆ هەر لایەکیان.