یاریگا –
لایپزیگ یەکەم ئۆفەری لیڤەرپوولی بۆ گواستنەوەی یان دیۆماندێ رەتکردەوە.
فلۆریان پلێتنبێرگ، رۆژنامەنووسی تۆڕی سکای سپۆرت بڵاویکردووەتەوە، یانەی لیڤەرپوول هەوڵە فەرمییەکانی بۆ بەدەستهێنانی تواناکانی یان دیۆماندێ دەستپێکرد، بەڵام یەکەم هەنگاوی یانەکە لەلایەن کارگێڕیی یانەی لایپزیگی ئەڵمانییەوە رووبەڕووی رەتکردنەوەیەکی توند بووەوە.
🚨❌ BREAKING | Liverpool have officially submitted a first offer for Yan Diomande: €100m package (90+10).
RB Leipzig are set to reject the bid. Leipzig’s position is clear: they are not prepared to sell Diomande for €100m, neither to Liverpool nor to Paris Saint-Germain. #LFC… pic.twitter.com/ABkpKmrpGs
— Florian Plettenberg (@Plettigoal) June 18, 2026
بەگوێرەی زانیارییەکانی سەرچاوەکە، لایپزیگ یەکەم ئۆفەری رێدزی بە بەهای 90 ملیۆن یۆرۆ لەگەڵ 10 ملیۆن یۆرۆ گۆڕانکاری بۆ یان دیۆماندێ رەتکردووەتەوە.
فلۆریان ئاماژەی بەوەش کردووە، هەڵوێستی لایپزیگ زۆر روونە؛ بە 100 ملیۆن یۆرۆ دەستبەرداری دیۆماندێ نابن، نە بۆ لیڤەرپوول و نە بۆ پاریس سان جێرمانیش.
لایپزیگ نەک تەنیا بیری لە فرۆشتنی دیۆماندێ نەکردووەتەوە، بەڵکوو پلانێکی تۆکمەیان هەیە بۆ هێشتنەوەی و ئامانجی سەرەکیی یانەکە بریتییە لە باشترکردنی مووچەی یاریزانەکە بۆ ئاستێکی بەرزتر، درێژکردنەوەی گرێبەستەکەی و دانانی مەرجێکی هەڵوەشاندنەوەی گرێبەست بۆ داهاتوو.
