فەرمی: کیسێ بووە یاریزانی ئەهلی

یاریگا-

بە فەرمی یانەی بارسێلۆنا رۆشتنی ئەستێرەی یانەکەی فرانک کیسێ بۆ سعودیە راگەیاند.

کیسێ بە بڕی 12.5 ملیۆن یۆرۆ پەیوەندی بە یانەی ئەهلی سعودییەوە کرد، ئەو یانەیەی پێشتریش گرێبەستی لە گەڵ هەریەکە لە فێرمینۆ و مێندی و مەحرەزدا کردبوو.

فرانک کیسێ لە هاوینی ساڵی رابردوو بە گرێبەستێکی ئازاد پەیوەندی بە بارسێلۆناوە کرد، لە ماوەی یەک وەرز یاریکردن بۆ یانە ئیسپانییەکە کیسێ 43 یاری ئەنجامدا، توانی 3 گۆڵ بکات کە یەک لەو گۆڵانە بەرامبەر ریاڵ مەدرید بوو.