ئایا محەمەد سەڵاح لیڤەرپوول جێدەهێڵێت؟ بەڕێوەبەری كارەكانی وەڵام دەداتەوە
یاریگا –
رامی عەباس، بەڕێوەبەری كارەكانی محەمەد سەڵاحی میسڕی و ئەستێرەی یانەی لیڤەرپوولی ئینگلیزی باس لە دەنگۆی پەیوەندیكردنی یاریزانەكە بە خولی رۆشەنی سعودیەوە دەكات.
راپۆرتە رۆژنامەوانییەکان ئاشكرایانكرد یانەی ئیتیحادی سعودی ئۆفەرێكی پێشكەشی محەمەد سەڵاح كردووە بەمەبەستی بەدەستهێنانی تواناكانی ئەستێرە میسڕییەكە ( زانیاری زیاتر ).
لە هەژماری تایبەتی خۆی لە تۆڕی كۆمەڵایەتی تویتەر رامی عەباس وەڵامی سەرجەم دەنگۆیەكانی سەبارەت بە رۆیشتنی محەمەد سەڵاح لە ریزەكانی رێدز دایەوە.
بەڕێوەبەری كارەكانی یاریزانەكە نووسیویەتی:
ئەگەر ئەمساڵ بمانویستایە لیڤەرپوول جێبهێڵین، بۆچی هاوینی رابردوو گرێبەستەكەمان نوێ كردەوە؟ محەمەد سەڵاح هێشتا پابەندە بە گرێبەستەكەی لەگەڵ یانە ئینگلیزیەكە.
شایەنی باسە محەمەد سەڵاح گرێبەستەكەی لەگەڵ لیڤەرپوول تا هاوینی ساڵی 2025ە.
If we considered leaving LFC this year, we wouldn’t have renewed the contract last summer. Mohamed remains committed to LFC.
— Ramy Abbas Issa (@RamyCol) August 7, 2023
وەرزی رابردوو محەمەد سەڵاح لەگەڵ رێدز 51 یاری كرد و توانی 30 گۆڵ بكات و 16 گۆڵیش درووست بكات.
