“ ئامادەم گرەو لەسەر %97 مووچەکەم بکەم ئێمباپێ دەچێتە ریال مەدرید “
یاریگا
ڕۆژنامەنووسێک بانگەشەی ئەوە دەکات کە کیلیان ئێمباپێ ئەم هاوینە پەیوەندی بە یانەی ریاڵ مەدریدی ئیسپانیاوە دەکات.
نزیکەی مانگێک لەمەوبەر بوو کە ڕۆدریگۆ فایز پەیامنێری ئیسپانی کەناڵی ESPN بانگەشەی ئەوەی کرد کە گرەو لەسەر 95%ی مووچەکەی دەکات کە کیلیان ئێمباپێ لەم هاوینەدا دەچێتە ڕیاڵ مەدرید. ئێستا هەمان پەیامنێر دەڵێت گرەو لەسەر 97%ی مووچەکەم لەسەر ئەم بابەتە دەکەم.
لە سەرەتای وەرزی گواستنەوەی ئەم هاوینە، گۆڵکارە لاوەکەی شازادەکان ناکۆکی لەگەڵ ناسر خلێفی، سەرۆکی یانەکەی دروستکردووە، بەهۆی ئەوەی یانەکەی ئاگادار کردووەتەوە ئامادەنیە گرێبەستەکەی نوێ بکاتەوە.
ئەم بابەتە وایکرد خلێفی بە ڕوونی لە میدیاکانەوە ڕابگەیەنێت کە پاریس سانجێرمان ئامادە نییە ئێمباپێ بە خۆڕایی لەدەست بدات و دوو مەرجی بۆ دانان، یان گرێبەستەکەت لەگەڵ پاریس سان جێرمان نوێدەکاتەوە یان لەم هاوینە دەفرۆشرێت.
