فەرمی: ئەلێكس تێلێس پەیوەندی بە نەسڕی سعوودیەوە كرد
یاریگا –
بەشێوەیەكی فەرمی یانەی نەسڕی سعوودی سەركەوتوو بوو لە بەدەستهێنانی واژۆی ئەلێكس تێلێسی بەڕازیلی و یاریزانی یانەی مانچێستەر یونایتدی ئینگلیزی.
تێلێس وەرزی رابردوو لە ریزەكانی سێڤییای ئیسپانی بەشێوەی خواستن یاری دەكرد، دوای كۆتاییهاتنی ماوەی خواستنەكەی گەڕایەوە یانە ئینگلیزیەكە.
كەمێك پێش ئێستا هەژماری فەرمی نەسڕ لە تۆڕی كۆمەڵایەتی تویتەر گرێبەستی ئەلێكس تێلێسی 30 ساڵانی بۆ ریزەكانی یانەكەی راگەیاند.
النجـم البرازيلي الدولي أليكس تيليس 🤩
يـوقع رسميًا لـ #العالمي ✍️#تيليس_نصراوي pic.twitter.com/8Hu1R3P8Xz— نادي النصر السعودي (@AlNassrFC) July 23, 2023
تێلێسی بەڕازیلی بە بڕی 4 ملیۆن یۆرۆ و گۆڕانكاری پەیوەندی بە یانەكەی كریستیانۆ رۆناڵدۆوە كرد.
بەرگریكارەكەی باڵی چەپ ساڵانە لەگەڵ نەسڕ بڕی 7 ملیۆن پاوەند وەردەگرێت، گرێبەستەكەی بۆ ماوەی دوو ساڵ دەبێت.
🎬 | أليكـس تيليـس @AT13Oficial يوقـع عقـده مع #العالمي 🤩#تيليس_نصراوي ✍️ pic.twitter.com/STvUQ0XOoV
— نادي النصر السعودي (@AlNassrFC) July 23, 2023
تێلێس لەگەڵ شەیتانە سورەكان 50 یاری كرد توانی گۆڵێك بكات و هەشت گۆڵیش درووست بكات.
