یاریگا –
دێکلان رایس، پەیامێکی ماڵئاواییکردنی لە وێستهام و هاندەرانی یانەکە بڵاوکردەوە.
کاپتنی یانەی وێستهام یونایتد دێکلان رایس، لەگەڵ یانەی ئارسیناڵ گەیشتووەتە رێککەوتنی کۆتایی و بە بڕی 105 ملیۆن پاوەند پەیوەندی بە گەنەرز دەکات.
کەمێک لەمەوبەر یاریزانەکە لە هەژماری فەرمی خۆی لە ئینستاگرام پەیامێکی ماڵئاواییکردنی بڵاوکردەوە و نوسیوییەتی:
باوەڕ ناکەم 10 ساڵی باوەڕپێنەکراو کۆتایی دێت. وێستهام بەشێکی گەورەی ژیانم بووە لەناو یاریگا و دەرەوەی یاریگا. ماڵئاواییکردن ئاسان نییە.
زۆر جار گەیشتوومەتە لوتکە، بەڵام هیچیان وەک ئەو شەوەی پڕاگ (یاری کۆتایی کۆنفڕانسلیگ) تایبەت نەبوون، وەک کەسێک، یاریزانێک و کاپتنی یانەکە زۆر گەشەم کردووە.
هەر لە یەکەم ساتەوە کە کاپتنی یانەکەم بووم، لە ژێر سەرپەرشتی نۆبێس، هەستم بە هیچ شتێکی تر نەکردووە جگە لە شانازی و سۆز. بەدەستهێنانی نازناوی کۆنفڕنسلیگ باشترین ساتی یاریکردنم بوو لەگەڵ یانەکە.
پەیوەندیم لەگەڵ هەواداران بۆ من و خێزانەکەم واتای زۆر دەگەیەنێت. هەر لەو رۆژەوە کە هاتمە ئێرە وەک یەکێک لە خۆتان مامەڵەتان لەگەڵ کردین. سوپاستان دەکەم.
سوپاس بۆ ئەو یادەوەرییە سەرسوڕهێنەر و رۆژە خۆشانەی ژیانم کە لەگەڵتان بەسەرمبرد، خۆشمدەوێن.
وێستهام یونایتدیش بە بڵاوکردنەوەی پارچە ڤیدیۆیەک سوپاسی یاریزانەکە دەکات و ماڵئاواییشی لێ دەکەن.
Thank you for the memories, Dec. ❤️ pic.twitter.com/yknfIMLcHj
— West Ham United (@WestHam) July 15, 2023
