یاریگا –
كیلیان ئێمباپێ ئەستێرەی هەڵبژاردەی فەڕەنسا و یانەی پاریس سان جێرمان ستایشی ئاستی هەڵبژاردە ئەفریقیەكان دەكات.
لە چاوپێكەوتنێكیدا لەگەڵ تۆڕی NCI sportی كامیرۆنی ئێمباپێ ووتی: هەڵبژاردەکانی ئەفریقا لەم ماوەیەی دواییدا بووژانەوەیەکی گەورە و بێ وێنەیان بەخۆوە بینی، هەڵبژاردەی مەغریب لە دوایین مۆندیالدا درەوشایەوە، لە قۆناخی كۆمەڵەكانیشدا بە تونس دۆڕاین.
بەردەوام بوو ووتی: مەغریب لە هەلبژاردە گەورەكانی بردەوە و مۆندیالێكی بێ وێنەیان پێشكەشكرد، توانیمان لە قۆناخی پێش كۆتاییدا لێیان ببەینەوە، پێوویستە هەڵبژاردە ئەفریقیەكان دەستبەرداری خەونەكانیان نەبن.
گۆڵكاری مێژووی پاریس سان جێرمان ووتیشی: ئەگەر جامی جیهانی نەبەمەوە، هیوادارم هەڵبژاردەیەكەی ئەفریقی بیباتەوە، وەك مەغریب.
لە درێژەی قسەكانیدا ووتی: هەڵبژاردە ئەفریقیەكان ساڵ لە دوای ساڵ ئاستیان زیاتر بەرەو پێشەوە دەڕوات، چەند یاریزانێكیان لە ئاستی جیهانیدا هەیە وەك سەڵاح، مانێ و حەكیمی.
🎙️ | Kylian Mbappé :
« Un pays africain champion du monde ? Le Maroc a montré que c’est possible, l’Afrique peut faire de grandes choses ! » 🌍🇲🇦 pic.twitter.com/Uo2MmZyudy
— TFT MOROCCO (@TFT_Morocco) July 11, 2023
كیلیان ووتیشی: ئەشرەف حەكیمی پێش هەموو شتێك هاوڕێمە هیوای باشترینی بۆ دەخوازم.
