یاریگا –
لیساندرۆ لۆپێز، بەرگریکاری پێشووی یانەی ئینتەرمیلان لەگەڵ یانەی خەلیجی سعودیە گەیشتە رێککەوتن.
ئەمڕۆ لیساندرۆ لۆپێز لەگەڵ بەڕێوەبەرانی یانەی خەلیج گەیشتە رێکەوتنی کۆتایی و گرێبەستێکی لەگەڵ ئەم یانەیە واژۆ کرد بۆ ئەوەی ببێتە نوێترین یاریزانی بەناوبانگی خولی تۆپی پێی سعودیە.
بەرگریکارە ئەرجەنتینییەکە لە ماوەی ژیانی وەرزشیدا بۆ یانەی ئینتەرمیلان و جێنەوا یاری کردووە. هەروەها مێژووی یاریکردنی لە تیپە دیارەکانی تر وەک بەنفیکا لە پورتوگال و بۆکا جونیۆرز لە ئەرجەنتین هەیە.
یانەی خەلیج گواستنەوەی لیساندرۆ لۆپێزی راگەیاند و بە بڵاوکردنەوەی پۆستەرێک، پێشوازی لە ئەستێرە نوێیەکەی کرد کە تیایدا لیساندرۆ لۆپێز بە درێسی ئەم یانەیەوە دەبینرێت.
View this post on Instagram
لۆپێز لە سەرەتای ساڵی 2022ەوە لە شاری تیخوانا لە مەکسیک یاری دەکات و دوای ئەوەی 40 یاری بۆ ئەم تیپە ئەنجامدا، دواجار ئەویش هاوشێوەی یاریزانە دیارەکانی تر بڕیاریدا بڕوات و لە خولی سعودیە درێژە بە کاروانی وەرزشی خۆی بدات.
