کیلیان ئێمباپێ لەگەڵ ریال مەدرید رێککەوتووە
یاریگا –
کیلیان ئێمباپێی فەڕەنسی و ئەستێرەی یانەی پاریس سانجێرمان، لەگەڵ یانەی ریال مەدرید رێککەوتووە.
تۆڕی سکای سپۆرت بڵاویکردووەتەوە، ئیدارەی یانەی پاریس سانجێرمان پێیانوایە کیلێیان ئێمباپێ، لەگەڵ یانەی ریال مەدرید رێککەوتنی نهێنی کردووە.
تۆڕەکە ئامەژەی بەوەش کردووە، پاریسییەکان وابیردەکەنەوە، ئێمباپێ بەڵینی بە ریال مەدرید داوە، کە لە هاوینی 2024 بەبێ بەرامبەر پەیوەندی بە یانەکە بکات.
BREAKING: PSG believe Kylian Mbappe has already agreed to join Real Madrid on a free transfer next summer ⚽ pic.twitter.com/n6vZCMKh6L
— Sky Sports News (@SkySportsNews) July 7, 2023
ئەستێرە فەڕەنسییەکە بە فەرمی ئەوەی ئاشکراکردووە کە گرێبەستەکەی لەگەڵ پاریس نوێ ناکاتەوە، بەڵام دەیەوێت ئەم وەرزە لەگەڵ یانەکە بمینێتەوە و لە هاوینی داهاتوو پاریس جێبهێڵیت.
ناسر خلێفی، سەرۆکی سانجێرمانیش پێرێ لەکاتی ناساندنی لویس ئینریکی ئیسپانی وەک راهێنەری نوێی تیپەکەی جەختی لەوە کردەوە، کە ئامادەنین بەبێ بەرامبەر دەستبەرداری کیلیان ببن.
سەرۆکە قەتەرییەکە بەڕوونی ئاماژەی بەوە کرد، ئەگەر ئێمباپێ دەیەوێت لە پاریس بێنێتەوە، دەبێت گرێبەستەکەی نوێبکاتەوە، ئەگینا لەم هاوینە دەستبەرداری دەبین و ئامادەنین بەبێ بەرامبەر باشترین یاریزان لەدەست بدەین.
هەر بەپێی سکای سپۆرت، پاریس ئامادەیە لەم هاوینە ئێمباپێ بفرۆشێت، کام یانە باشترین ئۆفەری پێشکەش بکات یاریزانەکەی پێدەدات و ناوی یانەکەی بەلاوە گرنگ نییە.
Kaveh Solhekol gives an update on Kylian Mbappe and explains what PSG wrote in a letter to the forward on Monday ✉️ pic.twitter.com/ecLrOa1LuX
— Sky Sports News (@SkySportsNews) July 7, 2023
