زاها لە یانەیەكی سعودی نزیكدەبێتەوە
یاریگا –
شاندی یانەی نەسڕی سعودی دەیانەوێت كۆبوونەوەیەكی نوێ لەگەڵ بریكارەكانی وێلفرید زاها، یاریزانی كۆتدیڤواری یانەی كریستاڵ پاڵاس رێكبخەن بەمەبەستی گواستنەوەی بۆ یانەكەیان.
یانەی نەسر لە چەند رۆژی رابردوودا دانوستانەکانی لەگەڵ زاها دەستپێكردووە بۆ ئەوەی رازی بکەن پەیوەندی بە یانەكەیانەوە بکات، بەمەبەستی بەهێزکردنی ریزەکانیان تا بتوانن كێبڕكێ لەسەر بردنەوەی نازناوەكان بكەن.
27.03.10.
Wilfried Zaha's first-team debut.
There's only one.#CPFC | @wilfriedzaha pic.twitter.com/XJm6q8L38X
— Crystal Palace F.C. (@CPFC) March 27, 2023
بەپێی زانیاریەكانی رۆژنامەی دەیلی مەیلی بەریتانی نەسر لەگەڵ بریكارەكانی زاها كۆدەبێتەوە لەم هەفتەیەدا، بۆ ئەوەی بە ئۆفەرەكە رازی بكەن و ساڵانە 15 ملیۆن یۆرۆی پێشكەش بكەن.
یاریزانە تەمەن 30 ساڵانەكە گرێبەستەكەی لەگەڵ كریستال پاڵاس لە هاوینی ئەمساڵدا بەسەردەچێت و چەندین ئۆفەر لەسەر مێزی یاریزانەكە هەیە.
رۆژنامەكە ئەوەشی ئاشكرا كردووە، سەرەتا زاها ئۆفەرەكەی نەسڕی رەتكردووەتەوە، بەڵام پلان دانراوە كە لە كۆبوونەوەكەی ئەم هەفتەیەدا رای یاریزانەكە بگۆڕێت، رازی بكرێت لە پاڵ كریستیانۆ رۆناڵدۆ یاری بكات.
زاها لەگەڵ پاڵاس 458 یاری كردووە، توانیویەتی 90 گۆڵ بكات و 76 گۆڵیش درووست بكات، لە سەرجەم پاڵەوانیەتیەكاندا.
