یاریگا –
لیۆنێل مێسی دەبێتە خاوەن گەورەترین مووچە لە تەواوی خولە جیاوازەکانی ویلایەتە یەکگرتووەکانی ئەمریکا.
رۆژنامەی ئاس بڵاویکردووەتەوە، پاڵەوانی جیهان ساڵانە بڕی 54-60 ملیۆن دۆلاری دەستدەکەوێت، ئەم بڕە پارەیە زیاترە لە داهاتی لامار جاکسن، ئەستێرەی یانەی رەگبی باڵتیمۆر (بەناوبانگترین یارییە لە ئەمریکا).
لە خولی رەگبی ئەمریکی چەندین رێسای نوێی داناوە و یانەکانی بە بڕێکی دیاری کراوی پارە سنووردار کردووە، بۆیە نەیانتوانیوە بڕی زیاتر لە 52 ملیۆن دۆلار بە جاکسن بدەن. ئەم رێسایانە بۆ کۆنتڕۆڵکردنی خەرجی یانەکان بووە، بە تایبەت بۆ مووچەی یاریزانان.
Just MESSIng around ⚽️ pic.twitter.com/wpwxWqOwFn
— Miami Dolphins (@MiamiDolphins) June 8, 2023
جاڵن هێرتس، ئەستێرەی رەگبی یانەی فیلادێلفیا ئیگڵز، لە پلەی سێیەمی ریزبەندی خاوەن زۆرترین داهات لە ئەمریکا دێت. هێرتس ساڵانە بڕی 51 ملیۆن دۆلاری دەستدەکەوێت.
ریزبەندی خاوەن زۆرترین مووچەی خولی رەگبی ئەمریکا – 2023
| ناو | یانە | مووچە |
| لامار جاکسن | باڵتیمۆر رەیڤنس | $52 ملیۆن |
| جالن هێرتس | فیلادێلفیا ئیگڵز | $51 ملیۆن |
| ئارۆن رۆجەرز | نیویۆرک جێتس | $50.27 ملیۆن |
| رەسڵ ویڵسن | دێنڤەر بڕۆنکۆس | $49 ملیۆن |
| کایڵەر مورای | ئاریزۆنا کاردیناڵس | $46.10 ملیۆن |
| دیشاون واتسن | کڵیڤلاند براونس | $46 ملیۆن |
| پاتریک ماهۆمس | کانساس سیتی چیفس | $45 ملیۆن |
| جۆش ئاڵن | بەفەڵۆ بیڵس | $43 ملیۆن |
| ماتیۆ ستافۆرد | لۆس ئانجێلس رامس | $40 ملیۆن |
| داک پرێسکۆت | داڵاس کاوبۆیس | $40 ملیۆن |
