پاریس سان جێرمان نرخی ئێمباپێی دیاریكرد
یاریگا –
یانەی پاریس سان جێرمانی فەڕەنسی نرخی كیلیان ئێمباپێ ئەستێرەی یانەكەی دیاریكرد بۆ ئەو یانەیەی دەیەوێت بیگوازێتەوە لە گواستنەوەكانی هاوینەدا.
شەوی رابردوو لیكیپ لە هەواڵێكدا رایگەیاند كیلیان بەرپرسانی یانە فەڕەنسیەكەی شۆككرد بەوەی كە نایەوێت گرێبەستەكەی لەگەڵ یانەكەی نوێ بكاتەوە وەرزی داهاتوو، بەوەش دەتوانێت لە گواستنەوەكانی وەرزی داهاتوو بە خۆڕایی بچێتە هەر یانەیەك كە دەیەوێت و یانەكەش نایەوێت بە خۆڕایی دەستبەرداری بێت.
🚨💣 Le PSG réfléchit À VENDRE Kylian Mbappé CET ÉTÉ !
« Soit Mbappé donne des signes positifs pour une prolongation, soit il sera vendu dans les semaines à venir », annonce @lequipe ! pic.twitter.com/CrK0b2IY5X
— Actu Foot (@ActuFoot_) June 12, 2023
بڕیارەكەی ئێمباپێ ئیدارەی یانەكەی توڕەكرد و بەوەش دوو بژاردەیان خستووەتە بەردەم یاریزانەكە، یان دەبێت گرێبەستەكەی نوێ بكاتەوە یان ئەم وەرزە دەیفرۆشن.
بەپێی زانیارییەكانی رۆژنامەی نیویۆرك تایمزی ئەمریكی پاریس سان جێرمان نایەوێت بە خۆڕایی ئەستێرەكەی لەدەست بڕوات.
رۆژنامەكە ئەوەشی ئاشكرا كردووە پاڵەوانی ئەم وەرزەی خولی فەڕەنسی لە بەرامبەر دەستبەرداربوون لە ئەستێرەكەی لە گواستنەوەكانی ئەم هاوینەدا داوای 200 ملیۆن یۆرۆ دەكات.
وەرزی رابردوو ئێمباپێ بەشداری لە 43 یاریدا كرد لە سەرجەم پاڵەوانیەتیەكان 41 گۆڵیكرد و 10 گۆڵیشی درووستكرد.
هەروەها توانی نازناوی خولی فەڕەنسی بباتەوە و خەڵاتی گۆڵكاری خولەكەش بەدەستبهێنێت.
