یاریگا –
دواجار هەوڵەکانی مانچێستەر سیتی بۆ بردنەوەی نازناوی چامپیۆنزلیگ سەرکەوت و بۆ یەکەمجار لە مێژوودا نازناوەکەی بەدەستهێنا و قازانجێکی زۆری دارایی دەستکەوت.
لە ساڵی 2008 گروپی ئەبوزەبی یەکگرتوو بۆ گەشەپێدان و وەبەرهێنان، مانچێستەر سیتی کڕیەوە و لەو کاتەوە، هەموو ئامانجیان بەدەستهێنانی نازناوی چامپیۆنزلیگ بووە.
هەرچەندە لە 10 ساڵی رابردوودا شەش جار نازناوی پرێمەرلیگی بەدەستهێنا، بەڵام لەسەر ئاستی ئەوروپا سەرکەوتوو نەبوو، تاوەکو شەممەی رابردوو لە ئیستانبوڵ لە ئینتەر میلانی بردەوە.
مانچێستەر سیتی ناوی خۆی لە مێژوودا نووسیەوە و ریکۆردێکی مانچێستەر یونایتدی هاوتا کردەوە، ئەویش بە بەدەستهێنانی سێ نازناو لە وەرزێکدا.
Highlights of our 𝗵𝗶𝘀𝘁𝗼𝗿𝗶𝗰 #UCLfinal victory! 🏆 pic.twitter.com/ESMUfnVOV0
— Manchester City (@ManCity) June 11, 2023
گۆڤاری فۆربس بڵاویکردووەتەوە، ئێستای بەهای مانچێستەر سیتی 4.99 ملیۆن دۆلارە و لە ریزبەندی پێنجەم بە بەهاترین یانەی جیهاندا دێت.
بەهای مانچێستەر سیتی بە شێوەیەکی زۆر بەرزبووەتەوە، لە ساڵی 2014 بەهای مان سیتی 836 ملیۆن دۆلار بوو و ئەمساڵ گەیشتووەتە نزیکەی پێنج ملیار دۆلار، تەنیا لە وەرزی رابردوودا بەهای یانەکە بەڕێژەی 18% زیادبووە.
مانچێستەر سیتی 180 ملیۆن پاوەندی لە بردنەوەی پرێمەرلیگ دەستکەوت و هەشت ملیۆن پاوەندیشی لە بەدەستهێنانی جامی یەکێتیی ئینگلتەرا برددەوە و لەسەر ئاستی چامپیۆنزلیگیش، 110 ملیۆن پاوەندی دەستکەوت.
مانچێستەر سیتی دەتوانێت شەش نازناو لە تەواوی ساڵەکە بباتەوە، چونکە لە 16 ئاب لە یاری سوپەری ئەوروپی رووبەڕووی سێڤییا دەبێتەوە و لە دیسێمبەری داهاتووش بەشداری لە مۆندیالی یانەکان دەکات، کە بڕیارە لە سعودیە بکرێت.
A very special flight! 💙 pic.twitter.com/OlSAMrsNDM
— Manchester City (@ManCity) June 11, 2023
لەلایەکی دیکەشەوە، لە جامی قەڵخانی خێرخوازی کە هاوشێوەی جامی سوپەرە، مانچێستەر سیتی رووبەڕووی ئارسیناڵ دەبێتەوە.
