عێراق بە دۆڕان دەستی بە مۆندیال کرد

یاریگا

هەڵبژاردەی لاوانی عێراق لە یەکەم یاریی مۆندیالی لاوان رووبەڕووی ئۆرگوای بووەوە و یارییەکەشی بە ئەنجامی 0-4 دۆڕاند.

شێرەکانی رافیدەین لە یەکەم یاریی مۆندیالی 2023 لە کۆمەڵەی پێنجەم رووبەڕووی لاوانی ئۆرگوای بونەوە و تووشی دۆڕانێکی قورس بوون.

یاریزانانی ئۆرگوای نیوەی یەکەم توانیان گۆڵێک بکەن و بەم تاکە گۆڵە گەڕانەوە ژووری جل گۆڕین، بەڵام نیوەی دووەم باشتر دەرکەوتن و توانیا سێجاری دیکە تۆڕی گۆڵی شێرەکانی رافیدەین بهەژێنن و یەکەم سێ خاڵیش بەدەست بێنن.

لاوانی عێراق بڕیارە هەینی داهاتوو کاتژمێر 12ـی شەو بە کاتی هەولێر لە دووەم یاریی خۆی رووبەڕووی هەڵبژاردەی لاوانی تونس ببێتەوە.