یاریگا –
فێرناندۆ تۆرێس و ئالڤارۆ ئاربێلۆوا، رۆژانێک هاوڕێی گیانی بە گیانی بوون، بەڵام ئێستا ئەوە ماوە سەری یەکتر بشکێنن.
تۆرێس، ئێستا راهێنەری تیمی خوار 19 ساڵانی ئاتلێتیکۆییە و ئاربێلۆواش راهێنەری تیمی خوار 19 ساڵانی ریال مەدریدە. دوێنێ یەکشەممە رووبەڕووی یەکتربوونەوە و گرژییەکان گەیشتنە ئەو رادەیەی، هێرش بکەنە سەر یەکتر.
El derbi más caliente entre Arbeloa y Torres, que acabaron encarándose.
📌 El entrenador rojiblanco acabó expulsado tras una tangana entre ambos equipos en un duelo que acabó con nueve amarillas.
📹 @Jorgebergan99
➕ℹ https://t.co/apTDSGM6mF pic.twitter.com/XSPtfAS4TM— Relevo (@relevo) May 14, 2023
تۆرێس کە براوەی جامی جیهانی و یۆرۆیە لەگەڵ هەڵبژاردەی ئیسپانیا، پاڵی بە ئاربێلۆوا ناوە و پێی گووتوە ”سەرت دەتەقێنم”. یاریدەدەرانی ئاربێلۆوا بە توندی وەڵامی تۆرێسیان دایەوە ”فەرموو هەر کاتێک ویستت دەستپێبکە”. دواتر یاریزانانی هەردوو یانە خۆیان هەڵکووتایە نێو گرژییەکان و ئاربێلۆوا کارتی زەردی پێدرا و تۆرێسیش بە کارتی سوور دەرکرا.
کاتی راستەقینەی یارییەکە بە ئەنجامی 2-2 کۆتاییهات و دواتر بە لێدانی یەکلاکەرەوە، ریال مەدرید 4-2 یارییەکەی بردەوە.
ریال مەدرید بەو بردنەوەیە گەیشتە قۆناخی پێش کۆتایی جامی لاوان و تیمەکەی تۆرێسیش دەرکرا.
