یاریگا
بەشێوەیەكی فەرمی یانەی بایرن میونشنی ئەڵمانی جولیان ناگلیسمانی ئەڵمانی و راهێنەری یانەكەی لە پۆستەكەی دوورخستەوە و تۆماس تۆخێلی لە جێگای دیاریكرد.
كەمێك پێش ئێستا هەژماری فەرمی بایرن میونشن لە تۆڕی كۆمەڵایەتی توویتەر دوورخستنەوەی ناگلیسمانی لە پۆستی راهێنەرایەتیكردنی یانەكەی دوورخستەوە.
یانە باڤارییەكە لە هەژماری تایبەتی خۆیان نووسیویانە: بایرن میونشن دەركردنی راهێنەری یانەكەی جولیان ناگلیسمانی راگەیاند و ئەم بڕیارەش لەلایەن بەڕێوەبەری جێبەجێكاری یانەكە ئۆلیڤەر كان و حەسەن سالحامیدزچ بەڕێوەبەری وەرزشی یانەكە بە راوێژ لەگەڵ سەرۆكی یانەكە هێربێرت هاینەر دراوە و تۆماس تۆخێل لە جێگای دانراوە.
Oliver Kahn: "Persönlich und im Namen des FC Bayern möchte ich mich bei Julian und seinem Trainerteam bedanken und allen viel Glück für die Zukunft wünschen."
Hasan Salihamidžić: "Ich bin Julian sehr dankbar für das, was er für den FC Bayern getan hat und wünsche ihm alles… pic.twitter.com/auRw0uZRLJ
— FC Bayern München (@FCBayern) March 24, 2023
تۆخێل لە رۆژی دووشەممە راهێنەرایەتی یانەكە دەكات و تا هاوینی ساڵی 2025 واژۆی لەسەر گرێبەستەكەی كردووە.
Thomas Tuchel erhält einen Vertrag bis zum 30.6.2025 und wird am Montag erstmals das Training leiten. pic.twitter.com/KojjLFG3pW
— FC Bayern München (@FCBayern) March 24, 2023
ناگلیسمان ئەركی راهێنەرایەتیكردنی یانە ئەڵمانیەكەی گرتە دەست لە جێگای هانز فلیك كە یانەكەی بەرەو هەڵبژاردەی ئەڵمانیا جێهێشت.
بایرن میونشن بە كۆكردنەوەی 52 خاڵ لە ریزبەندی دووەمی خولی ئەڵمانیا دێت بە جیاوازی خاڵێك لە دوای بۆرووسیا دۆرتمۆندی پێشەنگەوە دێت.
هەروەها وا بڕیارە لە قۆناخی چارەكی كۆتایی خولی یانە پاڵەوانەكانی ئەوروپا بەرامبەر مانچێستەر سیتی یاری بكەن.
لە كۆی هەشت یاری چامپیۆنزلیگ بە راهێنەرایەتیكردنی ناگلیسمان یانە ئەڵمانیەكە سەرجەم یارییەكانی بردووەتەوە و تەنیا دوو گۆڵیان لێكراوە.
