یاریگا
ناسر خلێفی، سەرۆکی قەتەری یانەی پاریس سانجێرمانی فەرەنسا نایشارێتەوە ئەوان ئامادەنە ئەگەر دەرفەتیان هەبێت، یانەی مالەگای ئیسپانی بکڕنەوە و خاوەنداریەتی ئەو یانەیەش بکەن.
سەرۆکە قەتەریەکەی یانەی پاریس سانجێرمانی فەرەنسا، لە دیمانەیەکدا لەگەڵ رۆژنامەی وەرزشی مارکای ئیسپانیا، سەبارەت بە دەنگۆکانی ئەم دواییەی کڕینەوەی یانەکەی وڵاتەکەیان گووتی ” ئێمە بەدوای دەرفەتدا دەگەڕێین، مالەگا یانەیەکی خەیاڵییە و ئێستا دۆخێکی سەختیان هەیە، ئەگەر دەرفەتێک هەبێت بۆ نا، شار و یانەکە خەیاڵین”.
ناسر خلێفی لەوەتەی ساڵی 2011 خاوەنداریەتی یانەی پاریس سانجێرمانی فەرەنسا دەکات، لەو کاتەی ئەو یانەیەی کڕیوە ملیاردەها یۆرۆیان لە گواستنەوەی چەندان ئەستێرەی دیاری جیهانی خەرج کردووە.
