سپالێتی: شانازی بە ستایشەكانی گواردیۆلاوە ناكەم
یاریگا
لۆچیانۆ سپالێتی, راهێنەری ئیتاڵی یانەی ناپۆلی هەمان وڵات وەڵامی ستایشەكانی پێپ گواردیۆلای ئیسپانی و راهێنەری یانەی مانچێستەر سیتی ئینگلیزی دایەوە.
پێشتر گواردیۆلا لە كۆنگرەی رۆژنامەوانی پێش یارییەکەیان بەرامبەر لایپزیگ گوتی:” ناپۆلی باشترین یانەی ئێستای ئەوروپایە لە رووی شێوازی یاریكردنەوە”.
لە دوای یارییەكەیان بەرامبەر ئینتراخت فرانكفۆرت و گەیشتنیان بە قۆناخی چارەكی كۆتایی چامپیۆنزلیگ سپالێتی دەربارەی لێدوانەكانی گواردیۆلا گوتی: هەست بە شانازی ناكەم بەو قسانە، ئەوە شێوازێكی یاریكردنە بۆ ئەوەی فشار بخاتە سەر ئەوانی دیكە، هەموومان ئەوە دەزانین و ناتوانێت بە قسەكانی فریومان بدات.
راهێنەرە ئیتاڵیەكەی ناپۆلی گوتیشی: چۆن دەتوانیت بەراوردی یانەیەك بكەیت كە 900 ملیۆنی خەرجكردووە بە بەراورد بە یانەیەك كە 9 ملیۆنی خەرجكردووە؟ ئەوە یارییەكە كە ئەنجامی دەدات بۆ ئەوەی فشار لەسەر خۆی لابدات و بیخاتە سەر یانەیەكی دیكە، ئێمە لە ناپۆلی ئامادەین بۆ هەموو شتێك.
Guardiola dijo que el Nápoles es el equipo más en forma de Europa.
Spalletti lo tiene claro: "No me hace sentir orgulloso. Es un juego para poner la presión al resto. Ya lo conocemos todos". #LaCasaDelFútbol #UCL pic.twitter.com/72fHrY0zdd
— Fútbol en Movistar Plus+ (@MovistarFutbol) March 15, 2023
بە بردنەوەیان لە ئینتراخت فرانكفۆرت بە ئەنجامی هەردوو یاری هاتن و چوون بە پێنج گۆڵی بێ وەڵام ناپۆلی توانی خۆی بگەیەنێتە قۆناخی هەشتی خولی یانە پاڵەوانەكانی ئەوروپا.
