یاریگا
كارلۆ ئەنچیلۆتی ئیتاڵی و راهێنەری یانەی ریال مەدریدی ئیسپانی لیستی یاریزانە بانگهێشتكراوەكانی یانەكەی بۆ یارییەكەیان بەرامبەر ئێلچی بڵاوكردەوە.
وا بڕیارە سبەینێ چوارشەممە كاتژمێر 23:00 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ئێلچی بكات، لە میانەی یارییەكانی هەفتەی بیست و یەكەمی خولی ئیسپانیا.
ریال مەدرید بە كۆكردنەوەی 45 خاڵ لە ریزبەندی دووەمی خولی ئیسپانیا دێت و ئێلچیش بە كۆكردنەوەی 9 خاڵ لە ریزبەندی كۆتایی خولەكەدایە.
بۆ ئەو یارییە هەریەك لە لۆكاس ڤاسكێز ، میلیتاو و ئاریباس گەڕاونەتەوە و هەریەك لە ڤینیسیۆس جۆنیۆر، تۆنی كرۆس، میندی ، هازارد و كۆرتوا ناویان لە لیستەكەدا نیە.
لیستی یاریزانە بانگهێشتكراوەكانی ریال مەدرید:
لۆنین، لۆپێز ، كانیزارێس ، كارڤاخال، میلیتاو ، ئالابا ، ڤاییخۆ ، ناچۆ ، ئۆدریۆزۆلا ،ڤاسكێز، رۆدیگەر، مۆدریچ، كامافینگا ، ڤاڵڤێردی ، چوامینی ، سیبایۆس، ئاریباس، بێنزێما، ئەسینسیۆ ، رۆدریگۆ ، ماریانۆ.
