یاریگا–
سێرخیۆ رامۆس، بەرگریکاری یانەی پاریس سانجێرمانی فەرەنسا، هاوینی داهاتوو گرێبەستەکەی کۆتایی دێت و تاوەکو ئێستا چارەنوسی یەکلاتی نەکراوەتەوە.
ماڵپەری فووت مێرکاتۆ بڵاویکردەوە، لە کاتێکدا شەش مانگی دیکە بەرگریکارە ئیسپانیەکەی شازادەکان گرێبەستەکەی بەسەردەچێت، بەڵام تاوەکو ئێستا چارەنوسی یەکلایی نەکراوەتەوە. سەرچاوەکە ئەوەشی باسکردووە کارگێری سانجێرمان تاوەکو ئێستا نازانن چۆن لەگەڵ یاریزانەکە مامەلە بکەن.
پێشتریش هەمان سەرچاوە بڵاویکردەوە، چەند یانەیەک هەوڵی گواستنەوەی رامۆس دەدەن، بەڵام ئەو یاریزانە هیچ بڕیارێکی نەداوە.
